Замест адпачынку – выбітыя зубы
Жыхарка Бабруйску Натальля А. разам з 10-гадовай дачкой прыехала ў санаторый «Расінка» у Мёрскім раёне. Жанчына нават у страшным сьне не магла ўявіць, што доўгачаканы адпачынак абернецца сур'ёзнымі праблемамі са здароўем. Натальля шукала будынак адміністрацыі, каб засяліцца. Увайшла ў адчыненыя дзьверы – і ўпала ў склеп. Цяпер 37-гадовая жанчына ляжыць у шпіталі са страсеньнем мозгу і выбітымі зубамі. Яе дачка праходзіць аздараўленьне адна, і таксама захварэла, пакуль мамы няма побач.
Віцебская вобласьць – найменш прадпрымальны рэгіён краіны
Віцебская вобласьць заняла апошняе месца ў рэйтынгу прадпрымальных рэгіёнаў, у якіх больш за ўсё ІП на 1 тысячу жыхароў. Затое віцебскія «іпэшнікі» больш за іншых зарабляюць на сельскай гаспадарцы. Дасьледаваньне правяла пляцоўка абвестак Куфар на аснове афіцыйнай статыстыкі і ўласных дадзеных.
Прызначаны суд па справе пра банкруцтва Полацкай унівэрсальнай базы
Эканамічны суд Віцебскай вобласьці адкрыў конкурсную вытворчасьць па справе аб эканамічнай неплацежаздольнасьці (банкруцтве) КГУП «Полацкая унівэрсальная база» і прызначыў судовы разбор на 6 красавіка.
Франц Сіўко: Літаратура выхоўвае толькі тых, хто здольны яе ўспрымаць
Аўтар «Плебейскіх гульняў» і «Штрыхкодаў» прэзэнтаваў 12 студзеня свае кнігі ў Эўрапейскім клюбе Віцебску.
ГУГЛ не адказаў на запыт Полацкаму РАУС
Полацкі РАУС разгледзеў заяву жыхара Полацку Міколы Шараха, які паскардзіўся на стварэньне фальшывага электроннага адрасу ад яго імя з выкарыстаньнем ягоных асабістых дадзеных і рассыланьне з гэтага адрасу лістоў паклёпніцкага зьместу ў розныя дзяржорганы і СМІ.
“У СІЗА мяне зьбівалі да паўсьмерці”. У Віцебску пачаўся судовы працэс супраць Пятра Іванова
У панядзелак, 15 студзеня, у судзе Кастрычніцкага раёну Віцебску адбылося першае паседжаньне па крымінальнай справе, распачатай супраць актывіста Пятра Іванова. Яго абвінавачваюць паводле 1-й часткі арт. 366 КК РБ (гвалт альбо пагроза ў дачыненьні да службовай асобы, якая выконвае службовыя абавязкі). Падчас паседжаньня актывіст заявіў, што ў СІЗА яго жорстка зьбівалі.
Павал Севярынец прэзэнтаваў у Віцебску раман “Беларусалім. Золак”
Беларускі палітык і пісьменьнік Павал Севярынец прэзэнтаваў 14 студзеня ў Віцебску першую частку раману “Беларусалім” – кнігі, якую пісаў цягам апошніх 12 гадоў. Паводле слоў аўтара, “гэта кніга пра Беларусь, якая прачынаецца ў цемры”. Віцебская прэм’ера “Беларусаліму” выклікала вялікую цікавасьць і чаканы аншляг.
Міхаіл Жамчужны на месяц зьмешчаны ў ПКТ
Палітвязень Міхаіл Жамчужны, ліставаньне зь якім адсутнічала некалькі месяцаў, нарэшце атрымаў магчымасьць пісаць лісты сваім калегам, сябрам, паплечнікам і праваабаронцам. Зь ліста, які атрымала праваабаронца Тацяна Равяка, стала вядома, што Міхаіл Жамчужны з 6 студзеня адпраўлены на адзін месяц у памяшканьне камэрнага тыпу (ПКТ).
Зьмітра Лупача зноў пакаралі за «Белсат»: першы штраф сёлета, і чатыры — летась
Гэтым разам справу супраць глыбоцкага журналіста распачалі міліцыянты з Пастаўскага РАУС. І Пастаўскі раённы суд пастанавіў пакараць Зьмітра Лупача штрафам у памеры 25 базавых велічынь, або 612 рублёў 50 капеек.
Кіраўнік ініцыятывы «Хайсы»: Гэтая ўлада прыраўнавала сябе да сталінскага рэжыму
Напрыканцы 2017 году былі абвешчаныя ляўрэаты дзявятай прэміі «Чэмпіёны грамадзянскай супольнасьці», заснаванай Асамблеяй няўрадавых дэмакратычных арганізацыяў. Сярод тых, хто атрымаў узнагароды, аказалася і віцебская грамадзкая ініцыятыва «Хайсы», якая стала ляўрэатам у намінацыі «Новая ініцыятыва». З гэтай нагоды карэспандэнт «Віцебскай Вясны» сустрэўся з кіраўніком арганізацыі Янам Дзяржаўцавым.