Палітвязень-праваабаронца Алесь Бяляцкі ўганараваны "Залатымі лаўрамі"
У Палацы Прымаса (Pałac Prymasowski) у Варшаве 19 верасня адбылося ўручэнне прэміі “Złoty Laur – 2023” (Залатыя лаўры), якая прысвойваюцца асобам, установам і кампаніям за іх выдатную грамадскую і сацыяльна-культурную дзейнасць. Прэмія мае 9 розных намінацый у самых розных галінах.
Праваабарончы цэнтр «Вясна» стаў лаўрэатам прэміі ААН
Старшыня Генеральнай ансамблеі ААН 20 ліпеня абвясціў лаўрэатаў прэстыжнай прэміі Арганізацыі Аб'яднаных Нацый у галіне правоў чалавека за 2023 год. Сярод больш чым 400 намінантаў былі адзначаныя 5 пераможцаў, у тым ліку і ПЦ «Вясна».
Палітвязень Аляксандр Капшуль увайшоў у тройку фіналістаў Прэміі за глабальную абарону (Global Advocacy Award)
Былы юрысконсульт ААТ "Нафтан", асуджаны да 15 гадоў зняволення ў калоніі ва ўмовах узмоцненага рэжыму, стаў адным з трох галоўных прэтэндэнтаў на прэстыжную міжнародную праваабарончую прэмію. Адвакаты Гарвардскай школы права (Advocates) і Гарвардскі часопіс па правах чалавека (HHRJ) штогод уручаюць яе праваабаронцу, чыя праца натхняе пачаткоўцаў прысвяціць сябе прасоўванню правоў чалавека і адстойванню чалавечай годнасці.
Названыя лаўрэаты Прэміі праваабарончай супольнасці Беларусі за 2022 год
На ўрачыстай цырымоніі ў Беларускім доме правоў чалавека ў Вільні 11 студзеня абвясцілі лаўрэатаў Прэміі праваабарончай супольнасці Беларусі за 2022 год. Імі сталі праваабаронца Наста Лойка, журналістка Аксана Колб і Міжнародны камітэт па расследаванні катаванняў.
Літаратурную прэмію імя Петруся Броўкі зноў далі за творы на расейскай мове
Прэмію імя ўраджэнца Віцебшчыны Петруся Броўкі ў 2012 г. заснаваў Віцебскі аблвыканкам. Раней хаця б зрэдзь час, але лаўрэатамі абіралі літаратараў, якія пішуць свае творы па-беларуску. Аднак тэндэнцыя апошніх год відавочная: прэмія дастаецца тым, хто піша на расейскай мове: апошні раз беларускамоўны твор быў уганараваны прэміяй імя Петруся Броўкі тры гады таму. Хаця ва ўмовах пра заснаванне ўзнагароды гаворыцца, што яе прысуджаюць «за высокі ўзровень літаратурнага твора, унёсак у развіццё нацыянальнай літаратуры і культуры з мэтай падвышэння прэстыжу творчай працы і стымулявання таленавітых пісьменнікаў».
Зняволенаму праваабаронцу Алесю Бяляцкаму ўручылі Нобелеўскую прэмію міра
У Осла 10 снежня — у Міжнародны дзень правоў чалавека — адбылася ўрачыстая цырымонія ўручэння Нобелеўскай прэміі міру. У гэтым годзе прэстыжную прэмію атрымалі адразу тры намінанты: кіраўнік “Вясны” Алесь Бяляцкі, украінскі “Цэнтр грамадзянскіх свабод” і расійскі “Мемарыял”. Праваабаронца Алесь Бяляцкі не змог асабіста атрымаць узнагароду — ён ужо 17 месяцаў утрымліваецца за кратамі ў межах крымінальнай справы. Таму прэмію замест Бяляцкага атрымала ягоная жонка Наталля Пінчук.
Ураджэнец Віцебску, палітвязень Андрэй Кузнечык атрымаў узнагароду Амерыканскіх глабальных медыя
Лаўрэатамі ўзнагароды «За выдатную журналістыку» імя Дэйвіда Бэрка, якая штогод уручаецца журналістам пяці медыйных арганізацый, якія ўваходзяць у склад Агенцтва глабальных медыя ЗША, сталі фрылансеры беларускай службы Радыё Свабода Андрэй Кузнечык, Ігар Лосік і Алег Груздзіловіч. Апошні з журналістаў, Алег Груздзіловіч, зусім нядаўна выйшаў з-за кратаў, а палітвязні Андрэй Кузнечык і Ігар Лосік адбываюць тэрміны пакарання ў Наваполацкай ПК-1 ва ўмовах узмоцненага рэжыму.
Веймарскую прэмію за правы чалавека дадуць Карач і Шчарбаковай
Прэмія будзе ўручана з нагоды Дня правоў чалавека, які адзначаецца 10 снежня, паведаміла адміністрацыя Веймара. Гарадскія ўлады запэўнілі, што яны будуць і надалей абараняць дзвюх актывістак.
“Вясна” ўзнагароджаная прэміяй “Цюльпан правоў чалавека 2022”
Сёння 8 снежня ў галандскім горадзе Гаага прайшла цэрэмонія ўручэння праваабарончай прэміі “Цюльпан правоў чалавека 2022”, заснаванай урадам Нідэрландаў. Лаўрэатам прэміі стаў беларускі Праваабарончы цэнтр “Вясна”. Узнагароду ўручаў міністр замежных спраў Вопке Хукстра.
Кіраўнік ініцыятывы «Хайсы»: Гэтая ўлада прыраўнавала сябе да сталінскага рэжыму
Напрыканцы 2017 году былі абвешчаныя ляўрэаты дзявятай прэміі «Чэмпіёны грамадзянскай супольнасьці», заснаванай Асамблеяй няўрадавых дэмакратычных арганізацыяў. Сярод тых, хто атрымаў узнагароды, аказалася і віцебская грамадзкая ініцыятыва «Хайсы», якая стала ляўрэатам у намінацыі «Новая ініцыятыва». З гэтай нагоды карэспандэнт «Віцебскай Вясны» сустрэўся з кіраўніком арганізацыі Янам Дзяржаўцавым.