Жыхара Віцебска Дзмітрыя Літвіна дадалі ў "спіс тэрарыстаў" на сайце КДБ
Гэта той самы Дзмітрый Літвін, які за некалькі год з апазіцыянера ператварыўся ў апантанага прыхільніка манархіі, а сёлета ў чэрвені быў асуджаны да трох гадоў "хатняй хіміі" паводле арт. 130 КК РБ- Распальванне варожасці ці варажнечы.
Экс-палітвязняў Вячаслава Лазарава і Дзмітрыя Казлова ўключылі ў базу вышуку на тэрыторыі Беларусі і Расіі
Тэлеграм-канал «Витебск, я гуляю\Новости Витебска» звярнуў увагу на тое, што на сайце расійскага выдання “СОТА” з’явіўся спіс асобаў, якія знаходзяцца ў міжнародным вышуку на тэрыторыі Расіі. У гэтым спісе пазначаны і тыя людзі, якіх уключылі ў базу вышуку пасля пасля красавіка гэтага года – актуальны на той час пералік аналізавала “Медыязона”.
Віцебская газета “наехала” на жанчыну, якая распавяла пра інцыдэнт у TikTok, не патэлефанаваўшы ў 102
Зрэшты, інцыдэнтам было не рабаўніцтва, не крадзеж і тым больш не забойства: жанчына зняла відэа пра тое, які падлетак нешта кінуў уніз з моста цераз Віцьбу. Што гэта быў за прадмет, жанчына добра не разгледзела, і зрабіла выснову, што гэта мог быць камень. Паводзіны хлопца яна ацаніла як хуліганства, і гэтую выснову падтрымалі гледачы.
Ненармаваная праца, забарона на інтэлектуальную дзейнасць, парушэнні права на свабоду веравызнання. Экс-палітзняволены распавёў "Вясне" пра ўмовы ўтрымання ў Наваполацкай ПК-1
Мужчыну, які трапіў пад першую хвалю затрыманняў у жніўні 2020-га, але ў 2023-м яго арыштавалі паўторна - за каментары ў інтэрнэце паводле арт. 130 (распальванне іншай сацыяльнай варожасці). Прысуджаны тэрмін ён адбываў у Наваполацкай калоніі, дзя вязняў прымушалі працаваць 6 дзён на тыдзень.
Памёр Аляксандр Мілінкевіч, былы кандыдат у прэзідэнты ад аб’яднаных дэмакратычных сіл, вядомы навуковец і грамадскі дзеяч, лаўрэат прэміі імя Андрэя Сахарава «За свабоду думкі»
На ўзор гэтай прэміі кіраўнік руху “За Свабоду” заснаваў уласна беларускую прэмію «За свабоду думкі» . Ён шмат разоў прыязжаў на Віцебшчыну, у вёску Бычкі Вушацкага раёну, каб ў дзень народзінаў славутага пісьменніка Васіля Быкава на ягонай радзіме ўганараваць гэтай прэміяй тых, хто зрабіў вылікі ўнёсак у развіццё беларушчыны.
Асобаў, якія стаяць а ўліку ў КВІ, накіравалі разбіраць закінутыя фермы ў Віцебскім раёне
У крымінальна-выканаўчай інспекцыі гэта назвалі “комплексам мер, направленных на социальную адаптацию граждан, имеющих проблемы с законом”. Пад “комплекс захадаў” патрапілі беспрацоўныя асобы з непагашанай судзімасцю, якія стаяць на ўліку ў Кастрычніцкім і Чыгуначным РАУС. Ім было загадана разбіраць старыя фермы і выносіць будаўнічае смецце – рэшткі бетонных канструкцый - у СПК "Альгоўскае".
Двое віцебскіх экс-палітвязняў, Вячаслаў Лазараў і Уладзіслаў Макавецкі, стварылі гэты відэаролік да 6-годдзя падзей, якія ў 2020-м назаўжды змянілі беларусаў і Беларусь.
Хтосьці ўбачыць у ім алюзію да знакамітага фільма “Дагрукацца да нябёсаў”, хтосьці прыгадае тыя часы, калі бел-чырвона-белыя сцягі над натоўпам сталі сімвалам народнай еднасці, а хтосьці зноў паверыць, што наша свабода ўжо нас чакае.
Шаркаўшчынская раёнка палохае чытачоў стратай беларускага грамадзянства “за экстрэмізм”
Артыкул “Право на защиту: почему утрата гражданства за экстремизм — это мировая практика, а не исключение” выйшаў відавочна ў якасці водгука на нядаўнія падзеі. Выступаючы ў Гродна, Міністр інфармацыі Дзмітрый Жук выказаўся пра гэта, адказваючы на пытанне з залі, калі, маўляў, “беглых” пачнуць пазбаўляць паспартоў за заклікі да санкцый. Міністр заявіў, што “ўсё пад кантролем”, і выказаў меркаванне, што неўзабаве можа быць ініцыяваны законапраект, які дакладна вызначыць «механизм лишения таких отморозков гражданства». Газета “Кліч Радзімы” таксама адрэагавала, размясціўшы артыкул, дзе беларускае заканадаўства трактуецца павярхоўна, а пазбаўленне грамадзянства падаецца як “агульнапрынятая практыка”.
Суд Чыгуначнага раёна Віцебска прызнаў “экстрэмісцкім” Instagram-акаўнт “Честная газета. Самиздат”
Рашэнне было прынята 5 жніўня, учора гэты інтэрнэт-рэсурс унеслі ў Рэспубліканскі спіс экстрэмісцкіх матэрыялаў. “Честная газета. Самиздат” - гэта незалежны беларускі інфармацыйны праект, запушчаны ў перыяд пратэстаў 2020 года ініцыятывай «Сумленныя людзі».
Турыстаў прывабіць такі вось мядзведзь? У Віцебску прыдумалі чарговы турыстычны брэнд рэгіёна
Ініцыятыва сыходзіла ад мясцовых уладаў: менавіта там вырашылі, што скульптурная выява “Мішкі-падарожніка” падвысіць турыстычную прывабнасць рэгіёна. Чаму менавіта мядзведзь – не зразумела, хто канкрэтна аўтар ідэі – не вядома. Але ў цэнтры Віцебска ўжо паставілі два новых арт-аб’екта сумнёўнай мастацкай вартасці.