У Сянно за правядзенне пікету быў аштрафаваны вучань 11 класа. Але нешта пайшло не так
Суддзя суда Сенненскага раёна Іна Досава 31 сакавіка за правядзенне пікету ў інтэрнэце аштрафавала на 74 рублі непаўналетняга выпускніка Сярэдняй школы №2, сябра БРСМ, кандыдата ў майстры спорту па барацьбе ў грэка-рымскім стылі Сцяпана Падрэза. Аднак пастанова была прынята з грубым парушэннем дзейнага заканадаўства і была адменена Старшынёй Віцебскага абласнога суда. У хуткім часе адміністрацыйная справа Падрэза будзе разгледжана раённай камісіяй па справах непаўналетніх, як гэта патрабуе працэсуальны закон.
З пачатку года ў Віцебскім рэгіёне выяўлена і пакарана больш за 200 "экстрэмістаў"
За чатыры месяцы ў Віцебскай вобласці прайшло 225 судовых працэсаў, звязаных з прымяненнем ч. 2 арт. 19.11 КаАП РБ (Распаўсюджванне, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або якая прапагандуе такую дзейнасць). 210 адміністрацыйных спраў былі разгледжаны судамі першай інстанцыі і 15 спраў у Віцебскім абласным судзе ў выглядзе скарг на рашэнні раённых судоў. У студзені было вынесена 16 пастаноў, адпаведна ў лютым-29, сакавіку - 108 і ў красавіку - 72. Суддзя Наваполацка Зінаіда Балаболава прыняла 27 пастаноў і стала абсалютнай рэкардсменкай сярод суддзяў, якія пакаралі грамадзян арыштамі і штрафам за праяву "экстрэмізму".
За выяву ў сацыяльных сетках нацыянальнага сцяга і лайкі глыбачанка адседзела 10 сутак
Старшыня суда Глыбоцкага раёна Алена Кот 19 красавіка асудзіла глыбачанку Алу Арэхва на 10 сутак. Жанчыну, якая працуе прадаўцом-кансультантам, судзілі па двух артыкулах - ч. 2 артыкула 19.11 КаАП РБ (Распаўсюджванне, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або якая прапагандуе такую дзейнасць) і ч. 1 артыкула 24.23 КаАП РБ – парушэнне парадку арганізацыі ці правядзення масавых мерапрыемстваў.
У Докшыцах затрымалі сямейную пару настаўнікаў
4 траўня ў Докшыцах наўпрост на ўроку спачатку затрымалі Марыну Корду. Яна працуе ў першай школе горада настаўніцай пачатковых класаў. Як паведамляе грамадскі актывіст з Докшыцкага раёна Кастусь Шыталь, жанчыну затрымалі за «лайкі» ў інтэрнэце.
За «распаўсюд экстрэмісцкіх матэрыялаў» судзяць выкладчыцу ВДТУ, дызайнерку Наталлю Тарабука
Апрача «сутак» або штрафа, прадугледжаных артыкулам 19.11 КаАП, асуджаным за «распаўсюд экстрэмізму» пагражае звальненне – калі яны займаюцца педагагічнай дзейнасцю. Праваабаронцам вядома ўжо пра некалькі дзясяткаў падобных выпадкаў на Віцебшчыне. Спадарыня Наталля ўжо ў пенсійным узросце, але працуе. Пастанову па адміністрацыйнай справе выкладчыцы ВНУ мае вынесці суд Першамайскага раёну Віцебска.
Жыхара Наваполацка суд арыштаваў на 30 сутак за пікет і распаўсюд экстрэмізму
Суддзя суда Наваполацка Зінаіда Балаболава 17 красавіка пастанавіла арыштаваць на 30 сутак слесара-рамонтніка цэха №729 ААТ «Нафтан», сябра рэгіянальнага веласіпеднага клуба «Верста» Вячаслава Шэфа. Суддзя палічыла даказаным тое, што Вячаслаў распаўсюджваў у сацыяльных сетках "экстрэмісцкія матэрыялы" і правёў віртуальны пікет у інтэрнэце.
Суд арыштаваў жыхарку Талачына спаслаўшыся на дзейную Канстытуцыю
Суддзя суда Талачынскага раёна 10 красавіка Наталля Барысавец арыштавала на 7 сутак мясцовую жыхарку Кацярыну Васілеўскую за распаўсюд «экстрэмісцкіх» матэрыялаў у Інтэрнеце. Акрамя таго, суддзя канфіскавала прадмета адміністрацыйнага правапарушэння мабільны тэлефон "iPhone 6S".
Навукоўцу Ігара Бортніка асудзілі яшчэ на 15 сутак
Гэта ўжо трэці арышт запар, прысуджаны Наваполацкім гарадскім судом, дагэтуль Ігар Бортнік ужо адбыў у няволі два арышты за адміністрацыйныя правапарушэнні (10 і 13 сутак). Атрымліваецца, што агулам кандыдат філасофскіх навук мае правесці за кратамі 38 сутак. Выносячы апошнюю пастанову, суд не ўлічыў, што мужчына мае праблемы са здароўем і некалькі дзён таму перанёс у зняволенні гіпертанічны крыз.
У Навалукомлі асудзілі на 15 сутак пастара Аляксандра Зарэцкага
Ён быў затрыманы ў мінулы чацвер, суд прызнаў пастара Царквы Хрысціян Веры Евангельскай вінаватым паводле арт. 19.11 КаАП за «лайкі» і каментары да матэрыялаў з інтэрнэт-рэсурсаў, прызнаных экстрэмісцкімі. Пра затрыманне пастара распавялі мясцовыя жыхары.
Суд у Паставах за захоўванне 5 «экстрэмісцкіх» улётак канфіскавалі аўтамабіль
Суддзя суда Пастаўскага раёна Наталля Максімовіч 4 красавіка, разгледзеўшы справу аб адміністрацыйным правапарушэнні, прадугледжаным ч.1 арт. 19.11 КаАП, у дачыненні да мясцовага жыхара Андрэя Стабулянца, аштрафавала яго на 740 рублёў і канфіскавала аўтамабіль, у якім, на думку ўладаў, правапарушальнік захоўваў улёткі экстрэмісцкага зместу.