Згодна з адміністрацыйным пратаколам, Сцяпан адкрытым публічным доступе ў альбоме захоўваў фатаграфіі, размешчаныя выявы БЧБ сцяга, малюнак з надпісам «ЯМЫ97%» выкананы бела-чырвоным кветкамі на чорным фоне, а таксама знойдзены фатаграфіі з БЧБ сцягам і гербам «Пагоня».

На думку суддзі, малады чалавек публічна выказаў свае асабістыя погляды на падзеі грамадска-палітычнага жыцця, ажыццявіўшы тым самым пікетаванне. Дадзенае масавае мерапрыемства ён ажыццявіў у жніўні 2020 года без дазволу мясцовых уладаў. Таму суддзя Досава палічыла факт здзяйснення Падрэзам адміністрацыйнага правапарушэння, прадугледжанага ч.1 арт. 24.23 КаАП устаноўленым, а яго вінаватасць у здзяйсненні дадзенага адміністрацыйнага правапарушэння даказанай.

Аднак старшыня Віцебскага абласнога суда Аляксандр Федзюкевіч 18 красавіка адмяніў рашэнне суддзі Досавай, бо яно было прынятае з грубым парушэннем патрабаванняў Працэсуальна-выканаўчага кодэкса аб адміністрацыйных парушэннях.А менавіта, у адпаведнасці з арт.3.5 ПВКаАП справы аб адміністрацыйных правапарушэннях, учыненых непаўналетнімі, павінна разглядаць камісія па справах непаўналетніх Сенненскага райвыканкама, а не суд.

У бліжэйшы час справа Сцяпана Падрэза будзе разгледжана членамі КСН Сенненскага райвыканкама і верагодней за ўсё яму пакіне пакаранне ранейшым - максімальны штраф для непаўналетніх у памеры 74 рубля.

Раман Горын