Віцяблянін напісаў гнеўны камэнтар – на яго завялі справу за абразу ўладаў
Мужчына пракамэнтаваў пост у сацсетцы “ВКонтакте” пра тое, што ў Віцебску плянуюць пабудаваць яшчэ адну лядовую пляцоўку і басэйн. У камэнтары вельмі жорстка прайшоўся па асобах віцебскага мэра і “губэрнатара”. Супраць віцябляніна распачалі крымінальную справу за абразу прадстаўніка ўлады (арт. 369 КК), інфармуе прэс-служба УУС Віцебскага аблвыканкаму.
Віцебскі міліцыянт Жук назваў у судзе бел-чырвона-белы сьцяг “анучай”
Супрацоўнік Кастрычніцкага РАУС Віцебску Дзьмітрый Жук назваў у судзе канфіскаваны летась у Міколы Качурца бел-чырвона-белы сьцяг анучай, якая каштуе ня больш за 4,75 рублі. Гэтую суму Кастрычніцкі РАУС згодны заплаціць Качурцу ў якасьці кампэнсацыі за зьнішчаную маёмасьць. Актывіст патрабуе ў 10 разоў больш.
Віцебская пракуратура ўзнавіла справу пра абразы журналістаў па скарзе Ўладзімера Лунёва
Віцебскі сябра Беларускай асацыяцыі журналістаў Уладзімер Лунёў здолеў дамагчыся, каб аддзел унутраных справаў адміністрацыі Кастрычніцкага раёну паўторна заняўся расьсьледваньнем акалічнасьцяў зьяўленьня і распаўсюду відэароліка, у якім невядомыя абражаюць журналістаў і відэаблогерку Алену Янушкоўскую.
Віцебскі журналіст скардзіцца на супрацоўнікаў міліцыі
Сябра Беларускай асацыяцыі журналістаў Уладзімер Лунёў зьвярнуўся ў абласное ўпраўленьне ўнутраных справаў і ў гарадзкую пракуратуру Віцебску са скаргай на дзеяньні супрацоўнікаў Кастрычніцкага РАУС. На ягоную думку, міліцыянты ўхіліліся ад абароны яго правоў і законных інтарэсаў, спыніўшы справу аб адміністрацыйным правапарушэньні ў дачыненьні да невядомых аўтараў паклёпніцкага відэа, разьмешчанага ў інтэрнэце.
У Дуброўне прайшлі ператрусы ў кватэры актывіста АГП і ў доме яго маці
4 траўня ў кватэры Дубровенскага актывіста Аб'яднанай грамадзянскай партыі Міхаіла Чамуракі прайшоў ператрус, канфіскаваны ноўтбук і сыстэмны блёк кампутара. Адначасова другая брыгада, якая складалася з двух мясцовых супрацоўнікаў і аднаго зь Віцебску ў цывільным, апісала маёмасьць у доме, дзе пражывае маці актывіста. У жанчыны, інваліда 2-й групы, падскочыў ціск, ёй выклікалі хуткую.
Ідэолягу заводу не ўдалося прыцягнуць прафсаюзнага актывіста да крымінальнай адказнасьці
Намесьнік дырэктара па ідэалёгіі ААТ «Полацак-Шкловалакно» Андрэй Кузьмін накіраваў у міліцыю заяву з абвінавачваньнем актывіста Свабоднага прафсаюзу Беларускага Віктара Стукава ў паклёпе і абразах у інтэрнэце. Аднак дамагчыся прыцягненьня прафсаюзнага лідэра да адказнасьці не атрымалася – крымінальная справа паводле заявы распачатая не была.
Мэдычнае прадстаўніцтва: Мінздраў абавязвае аптэкараў цярпець нават пляўкі ў твар
У нашумелай гісторыі, якая адбылася ў віцебскай аптэцы месяц таму з удзелам “жанчыны з сабачкам” ужо пастаўленая кропка. Нагадаем, наведніцу аптэкі, якая называла правізара “сьмярдзючай жывёлінай”, суд пакараў штрафам паводле двух артыкулаў КаАП (за зьнявагу і хуліганства). Але Мінздраў мае іншы пункт гледжаньня на тое, хто вінаваты ў той сытуацыі.
За абразу судзьдзі ў сацыяльных сетках жыхару Віцебску пагражае да 3-х гадоў вязьніцы
У Віцебску прад'явілі абвінавачаньне за абразу ў сацыяльных сетках судзьдзі. Здарэньне адбылося ў лістападзе мінулага году. Жыхар абласнога цэнтру зьмясьціў на сайце адной з тэматычных суполак, прысьвечаных Віцебску, тэкставы камэнтар, які «па сваім зьмесьце ўтрымлівае лінгвістычныя прыкметы абразы судзьдзі», інфармуе афіцыйная прадстаўніца УСК па Віцебскай вобласьці Сьвятлана Сахарава.
Прадпрымальніку вярнулі пляншэт. Але справу пра абразу прэзыдэнта не закрылі
Працягваецца сьледзтва па справе пра абразу прэзыдэнта полацкім прадпрымальнікам Генадзем Бердзянёвым. 10 ліпеня сьледчы вярнуў прадпрымальніку яго электронны пляншэт, які канфіскавалі для экспэртызы падчас ператрусу на кватэры 24 красавіка 2017 году.
Сацыяльныя сеткі выкарыстоўваюцца супраць грамадзкіх актывістаў
У полацкага прадпрымальніка і грамадзкага актывіста Генадзя Бердзянёва міліцыя забрала пляншэт для праверкі прыкмет крымінальнага злачынства. Бердзянёва абвінаваціў іншы прадпрымальнік у публічнай абразе прэзыдэнта ў сацыяльнай сетцы «Аднакласьнікі». 4 траўня заканчваецца тэрмін праверкі міліцыяй наяўнасьці складу злачынства ў дзеяньнях Генадзя.