У судовым паседжанні Дзмітрый віну ў здзяйсненні адміністрацыйнага правапарушэння прызнаў, у зробленым шчыра раскаяўся. Ён пацвердзіў, што ў сваім профілі сацыяльнай сеткі "Аднакласнікі" з выкарыстаннем мабільнага тэлефона размясціў інфармацыйную прадукцыю з каналаў "Белсат" і "Мая краіна Беларусь". Пры гэтым ён настойваў на тым, што не ведаў, што тэксты з'яўляюцца экстрэмісцкімі, а тэлефон прадаў невядомай асобе.

Пры прызначэнні пакарання ў межах артыкула ч.2 арт.19.11 КаАП суддзя Максімовіч улічыла раскаянне Казлоўскага і падвергла яго адміністрацыйнаму спагнанню ў выглядзе арышту на тэрмін шэсць сутак.

Алег Нікіцін