Камітэт па правах чалавека ААН прыняў да разгляду паведамленьні аб парушэньні дзяржавай правоў на свабоднае выказваньне свайго меркаваньня ў дачыненьні фрылянсэраў Зьмітра Лупача і Тацяны Смоткінай. Пра гэта паведаміў аўтар зваротаў у КПЧ ААН віцебскі праваабаронца Павал Левінаў. Ліст з Камітэту ён атрымаў 10 сьнежня – у Дзень правоў чалавека.

«Камітэт ізноў заяўляе, што дзяржаве-удзельніку трэба перагледзець сваё заканадаўства,... у прыватнасьці рашэньне № 881 Віцебскага гарадзкога раённага камітэту,... з мэтай спрыяньня поўнаму ажыцьцяўленьню ў дзяржаве-удзельніку правоў, замацаваных у артыкулах 19 і 21 Пакту», – гаворыцца ў надоечы апублікаваных чарговых меркаваньнях Камітэту ААН па правох чалавека (КПЧ), прынятых ім датычна скаргаў праваабаронцы Паўла Левінава.

Камітэт па правах чалавека разгледзеў скаргу віцебскай актывісткі Тацяны Севярынец і прыйшоў да высновы, што беларуская дзяржава парушыла яе правы на свабоду слова і мірныя сходы.

Алена Шабуня, Тацяна Севярынец і Георгі Станкевіч накіравалі зварот у КПЧ. Яны просяць камітэт ААН прызнаць Рэспубліку Беларусь парушальніцай артыкулаў 19 і 21 Міжнароднага пакту аб грамадзянскіх і палітычных правох.

Тамара Рыжова просіць Камітэт ААН па правох чалавека разгледзець зварот у тэрміновым парадку. Бо, як яна сьцьвярджае, існуе рэальная пагроза для жыцьця і здароўя яе сына, які знаходзіцца ў месцах пазбаўленьня волі, а ўсе прававыя магчымасьці абскарджаньня судовага рашэньня па крымінальнай справе ўнутры краіны вычарпаныя.