У «экстрэмісцкім спісе» МУС – яшчэ чацвера ўраджэнцаў Віцебшчыны
Гэта Людміла Барэйка з Глыбокага, Мікіта Чыжэўскі і Васіль Марэцкі з Полацка, жыхар Шаркоўшчыны Сяргей Голуб. Усіх чатырох судзілі паводле розных артыкулаў Крымінальнага Кодэкса. Пра Людмілу Барэйку, якая прыдумала лозунг «Стоп таракан» і даўно жыве за мяжой, у «Спісе грамадзян РБ, замежных грамадзян і асобаў без грамадзянства, схільных да экстрэмісцкай дзейнасці» чамусьці пазначана, што жанчына «Адбывае пакаранне».
За «экстрэмізм» у сацсетцы быў арыштаваны начальнік кацельні
Суддзя суда Першамайскага раёна Віцебска Алена Жук за распаўсюд «экстрэмісцкіх» публікацый сацыяльнай сеткі арыштавала на адны суткі начальніка кацельні Уладзіміра Сітковіча.
«Суд - высокая інстанцыя і ўмешвацца ў яе дзейнасць ніхто не мае права»
Прадстаўнікі Камітэта дзяржаўнага кантролю правялі ў Браславе прамую лінію і прыём грамадзян. На мінулым тыдні з працоўным візітам Браслаўшчыну наведалі прадстаўнікі Камітэта дзяржаўнага кантролю. Яны прынялі ўдзел у пасяджэнні райвыканкама, а таксама правялі прамую лінію і прыём грамадзян. Піша сайт braslav-star.by.
«За экстрэмізм» затрыманы Язэп Дулеба, колішні партыец Беларускага Народнага Фронту
у 1990-я ён кіраваў віцебскай гарадской партыйнай структурай, у пачатку 2000-х адышоў ад актыўнай палітычнай дзейнасці, быў затрыманы падчас пратэстаў у 2020 годзе. 3-га траўня ягонае імя з'явілася ў спісе МУС у складзе «экстрэмісцкага фармавання «FreeInfoBel», 7-га траўня ён быў затрыманы ў Віцебску. Спачатку яго асудзілі на 15 сутак за падпіскі на так званыя экстрэмісцкія інфармацыйныя рэсурсы ў сацыяльных сетках, потым перавялі ў СІЗА.
Ксёндз з Шуміліна Павел Лемах не выйшаў на волю пасля арышту
Ксяндза Паўла, асуджанага да 10 сутак арышту, не выпусцілі з-пад варты 18 траўня. Стала вядома, што яго судзілі яшчэ раз, але пакуль сутнасць пакарання, як і прычыны затрымання святара, невядомыя. Нагадаем, 8 траўня ў Шуміліне затрымалі двух святароў, ксяндзу Паўлу Лемеху быў прысуджаны арышт на 10 сутак, ксяндзу Анджэю Юхневічу - яго чакаюць на волі 23 траўня.
У пачатку бягучага года эканоміка рэгіёну паказала няякасны рост
Згодна са статыстыкай, з пачатку 2024 года эканамічныя паказчыкі Віцебскай вобласці ў зялёнай зоне росту. Але не ўсё так адназначна. Назіраецца фатальная залежнасць роста рэгіянальнай эканомікі ад аднаго і адзінага суперінвестара - Расійскай федэрацыі. Грошай у насельніцтва стала больш, і гэта стварае аснову для значна росту інфляцыі ў сярэднетэрміновай перспектыве. Прыбытковасць (рэнтабельнасць) рэалізаванай прадукцыі, тавараў, работ, паслуг і рознічных продажаў знаходзіцца на гістарычным мінімуме - каля 1%.
За «экстрэмізм» у сацсетцы ўлады арыштавалі інжынера
Суддзя суда Шумілінскага раёна Іна Грабоўская 10 траўня за «экстрэмізм» у сацыяльнай сетцы пакарала арыштам на 7 сутак працуючага інжынерам-механікам лесхаза Аляксея Логінава.
У сюжэце АНТ распавялі, як будуць адбіраць кватэры ў віцебскіх палітэмігрантаў
У перадачы «Будет дополнено» прапагандыст Ігар Тур пераконваў тэлегледачоў, што «беглых» чакае «справядлівае эканамічнае пакаранне». Паводле ягонах словаў, раз яны заклікалі да эканамічных санкцый у дачыненні да Беларусі, то мусяць адказаць за урон, нанесены эканоміцы. І кампенсавацца гэты ўрон мусіць за кошт продажу іхнай маёмасці. У перадачы паказалі жытло віцебскага журналіста Змітра Казакевіча, актывісткі з Варапаева Ганны Федаронак, віцебскай актывісткі Караліны Цярэнцьевай, навукоўца Віктара Якубава з Наваполацка.
Згадаем палітзняволенага Васіля Бераснева, у якога за кратамі абвастрыліся праблемы са здароўем
Праваабарончы цэнтр "Вясна" вызначыў 21 траўня Днём салідарнасці з палітзняволенымі Беларусі. Тэма гэтага Дня -- права на здароўе і медыцынскую дапамогу ў зняволенні. 74-гадовы Васіль Бераснеў з Аршаншчыны – адзін з тых, хто заслугоўвае асаблівай падтрымкі ў гэты дзень. Ён трапіў у зняволенне ўжо ў сталым узросце і з праблемамі са здароўем. У калоніі паўстала пытанне пра перасадку ныркі, але, паводле звестак праваабаронцаў, яго вярнулі са шпіталя, так і не правёўшы аперацыі.
За няяўку ў ваенкамат улады асудзілі навучэнца да аднаго году калоніі
Суддзя суда Першамайскага раёна Віцебска Аляксандр Ляшковіч 2 траўня за ўхіленне ад мерапрыемстваў прызыву на вайсковую службу прысудзіў да ў межах ч.1 арт.435 КК прысудзіў да пазбаўлення волі з адтэрміноўкай на тэрмін 1 год навучэнца Кірыла Кандрацьева. Таксама суддзя абавязаў маладога чалавека заплаціць у даход дзяржавы крымінальна-прававую кампенсацыю ў памеры 2000 рублёў.