Былы пракурор Шумілінскага раёну пазбаўлены дзяржаўнай узнагароды
Указам прэзыдэнта № 171 ад 22 красавіка асуджаны за ўчыненьне асабліва цяжкага наўмыснага злачынства Яўген Гуляеў пазбаўлены мэдаля “За бездакорную службу” III ступені. Тэкст дакумэнту разьмешчаны на Нацыянальным прававым інтэрнэт-партале.
У Віцебску ўшанавалі памяць ахвяраў Чарнобыльскай аварыі
У гадавіну Чарнобыля віцебскія ліквідатары традыцыйна зьбіраюцца ля крыжа Эўфрасіньні Полацкай. Вось і 26 красавіка 2015 году была праведзеная акцыя памяці. Пасьля невялічкага мітынгу быў спушчаны на ваду Заходняй Дзьвіны вянок з жалобным надпісам: «Героям-ліквідатарам Чарнобыля ад нас, жывых».
Сход гаражнага каапэратыву ў Віцебску: адхіленьне ад займаных пасадаў нядбайнага кіраўніцтва і крытыка мясцовых уладаў
20 красавіка адбыўся сход сяброў гаражна-спажывецкага каапэратыву №3 Віцебску. Упершыню за апошнія некалькі гадоў на сход сабралася неабходная колькасьць удзельнікаў, таму рашэньні, прынятыя прысутнымі чальцамі каапэратыву, нарэшце можна прызнаць легітымнымі.
Актывіст БХД ня здолеў абараніць вясковы клюб у аршанскім судзе (відэа)
24 красавіка ў судзе Аршанскага раёну і гораду Воршы разглядалася грамадзянская справа па скарзе старасты вёскі Стаўры, сябра аргкамітэту па стварэньні партыі БХД Ігара Грышанава на дзеяньні ААТ «Птушкафабрыка Аршанская». Першае, папярэдняе, паседжаньне стала і апошнім: судзьдзя Натальля Архіпава ў «сувязі з пропускам тэрміну звароту ў суд, вызначанага ў грамадзянска-працэсуальным кодэксе Рэспублікі Беларусь», адмовіла ў задавальненьні выказаных скаржнікам прэтэнзіяў.
Мерапрыемствы праграмы «Дарогі Беларусі» ў Віцебскай вобласьці выкананыя толькі на 40%
Праграма “Дарогі Беларусі” на 2006-2015 гады рэалізаваная ў Віцебскай вобласьці толькі на 40%. Пра гэта паведаміў на паседжаньні аблвыканкаму, на якім разглядалася выкананьне праграмы, начальнік аддзелу транспарту і камунікацыяў аблвыканкаму Андрэй Гулідзін.
На Віцебшчыне расьце колькасьць сямейна-бытавых злачынстваў
Так, у першым квартале 2015 году ў параўнаньні з аналягічным пэрыядам 2014-га колькасьць забойстваў павялічылася з 1 да 5, фактаў прычыненьня цяжкіх цялесных пашкоджаньняў - з 3 да 8.
Газэта Віцебскай эпархіі «Наше православие» заклікае вернікаў ваяваць за «ДНР» і «ЛНР»
У праваслаўных цэрквах Віцебску, а таксама вобласьці актыўна распаўсюджваецца газэта «Наше Православие». Гэта афіцыйны друкаваны орган Віцебскай эпархіі БПЦ (Маскоўскі патрыярхат). Наклад – 1000 асобнікаў. Старыя нумары распаўсюджваюцца ў цэрквах бясплатна. Рэдактарам газэты зьяўляецца вядомы дзеяч рускага руху Андрэй Герашчанка.
Намесьнік старшыні Віцебскага гарвыканкаму забараніў шэсьце ў гадавіну Чарнобыльскай катастрофы
Прычына забароны акцыі, заяўку на правядзеньне якой падавалі віцебскія сябры КХП-БНФ, традыцыйная. Намесьнік старшыні Віцебскага гарвыканкаму Дзьмітры Шэрыкаў забараніў вулічнае шэсьце, спаслаўшыся на адсутнасьць у заяўнікаў дамоваў на яго абслугоўваньне камунальнікамі, мэдыкамі і міліцыянтамі.
Радаўніца на Старасямёнаўскіх могілках у Віцебску
На сёлетнюю Радаўніцу надвор’е не абяцала нічога добрага: пахмурнае неба, вецер, нават дробны град з раніцы сыпануў на зямлю шчодрай жменяй дробнага белага гароху. Здавалася, народ перанясе сьвята ў замкнёныя межы сваіх кватэр, але насуперак прагнозам сыноптыкаў пасьля поўдня распагодзілася: і сонейка прабілася праз хмары, і тэмпэратура папаўзла ўгару, і грамадзяне прыйшлі аддаць даніну павагі і памяці сваім продкам.
Будучыня вуліцы Рыгора Барадуліна ў Віцебску цалкам залежыць ад актыўнасьці прыватных забудоўшчыкаў
Не зважаючы на тое, што чатыры чалавекі ўжо пажадалі збудаваць свае дамы на вуліцы імя Рыгора Барадуліна, пакуль вам, бадай, не пашчасьціць адшукаць хоць нейкія яе прыкметы, бо існуе яна толькі на паперы. Да таго ж ніводзін з апытаных мясцовых жыхароў так і ня здолеў больш-менш дакладна акрэсьліць межы будучай прыватнай катэджнай забудовы Арэхава, дзе яна і мусіць матэрыялізавацца.