Палітзняволеная Яна Пінчук пачала адбываць пакаранне ў гомельскай папраўчай калоніі № 4
6 чэрвеня 2023 года палітзняволенай прысудзілі 12 гадоў зняволення ва ўмовах агульнага рэжыму. У лістападзе 2023 годзе маладая жанчына была унесена КДБ і МУС у "спіс экстрэмістаў", таму атрымліваць грашовыя пераводы ёй забаронена.
У Віцебскай вобласці зацверджаны склады абласной і акруговых выбарчых камісій
7 снежня адбылося сумеснае пасяджэнне прэзідыума Віцебскага абласнога Савета дэпутатаў і Віцебскага абласнога выканаўчага камітэта, на якім былі ўтвораны Віцебская абласная і 14 акруговых выбарчых камісій па 13 членаў кожная. Усяго ў вобласці абрана 195 сябраў камісій. Спісы сябраў камісій не былі апублікаваныя ў сродках масавай інфармацыі.
Сілавікі правялі ператрус у кватэры Змітра Лупача, у якой ён не жыве больш за два гады
Зміцер Лупач, вядомы незалежны журналіст, вымушана пераехаў у Польшчу, бо ў Беларусі яго пераследвалі за прафесійную дзейнасць. Кватэра, у якой ён жыў да ад“езду, даўно стаіць пустая. 6 снежня сілавікі прыйшлі туды з ператрусам, трапіўшы ўнутр з дапамогай супрацоўнікаў МНС: тыя падняліся па «пажарнай» лесвіцы на балкон, адчынілі балконныя дзверы і такім чынам трапілі ў жытло Змітра Лупача.
Яшчэ аднаго міёрскага медыка улады пакаралі штрафам за распаўсюджванне «экстрэмізму»
Суддзя суда Міёрскага раёна Ірына Яскевіч 22 лістапада за падпіску ў сацыяльных сетках на "экстрэмісцкі" інфармацыйны рэсурс пакарала штрафам у памеры 740 рублёў работніцу міёрскай бальніцы Валянціну Развадоўскую.
Дэпутат нямецкага парламенту выказаўся ў падтрымку палітвязня Васіля Бераснева
Дэтлеф Мюллер - дэпутат нямецкага парламента, які стаў сімвалічным хросным бацькам палітзняволенага, абурыўся тым, што пажылому чалавеку, асуджанаму на працяглы тэрмін зняволення, не аказваецца належная медычная дапамога. Сёлета ў кастрычніка 71-гадовага Васіля Бераснева забралі ў бальніцу з магілеўскай калоніі № 15, але праз некалькі дзён вырнулі за краты. Палітвязень мае даўнія праблемы са здароўем: у яго адна нарка, другую выдалілі 15 гадоў таму з-за анкалагічнага захворвання. Ад самага пачатку зняволення ён скардзіцца на болі ў адзінай нырцы, і Дэтлеф Мюллер запатрабаваў неадкладнага вызвалення свайго «хрэсніка» і астатніх палітвязняў.
За падпіску на тры “экстрэмісцкія” рэсурсы ўлады аштрафавалі жыхарку Глыбокага
Суддзя суда Глыбоцкага раёна Алена Кот 22 лістапада за распаўсюд у сацыяльнай сетцы публікацый “экстрэмісцкага” зместу пастанавіла аштрафаваць на 925 рублёў работніцу мясцовага фізкультурна-аздараўленчага цэнтра Юлію Храпавіцкую.
У Віцебскай вобласці завяршыўся этап вылучэння ў склад выбарчых камісій
Усяго ў рэгіёне неабходна сфарміраваць 232 камісіі, у тым ліку адну абласную, 14 акруговых, 21 раённую, 5 гарадскіх, а таксама 191 сельскую/пасялковую камісіі. У склад акруговых і тэрытарыяльных выбарчых камісій субъектамі выбарчага працэса дэлегавана 1525 прэтэндэнтаў.
Распаўсюджванне «экстрэмізму» стала прычынай, па якой улады пакаралі медыцынскага работніка
Суддзя суда Міёрскага раёна Ірына Яскевіч 22 лістапада за падпіску ў сацыяльных сетках на "экстрэмісцкі" інфармацыйны рэсурс пакарала штрафам у памеры 740 рублёў работніцу міёрскай бальніцы Алену Шук.
Спыніў дзейнасць інтэрнэт-рэсурс, блізкі да віцебскіх сілавікоў. Скончыліся грошы або міліцыянтаў пакаралі за незаконныя «Злівы»?
Апошняя публікацыя у групе «Северная столица (Vitebsk news)» сацсеткі «ВКонтакте» датаваная 15-м лістапада. Тут цягам апошніх месяцаў публікаваліся відэаролікі з фрагментамі «пакаянных відэа», запісаных віцебскімі сілавікамі.
У Глыбокім на 8 сутак арыштавалі ўраджэнку Расіі
Як стала вядома, 20 лістапада ў Глыбокім судзілі ўраджэнку Прыморскага краю Расіі, якая ўжо шмат год жыве ў Беларусі, Алену Крыўко.