З 30- кастрычніка ў вобласці абвешчаныя дадатковыя захады па супрацьдзеянні злачынствам супраць полавай недатыкальнасці. І літаральна праз некалькі дзён міліцыянты далі справаздачу па выяўленні педафілаў – у Віцебску, Оршы і ў Наваполацку.

У Полацку на прыпынку грамадскага транспарту па вуліцы Калініна незвярозы грамадзянін заляцаўся да малалетняй дзяўчынкі – спрабаваў абняць, лез цалавацца. На думку суддзі Яніны Марцулевіч, гэтым ён «выразіў непавагу да грамадскасці». Яна пакарала жыхара Полацка самым найменшым штрафам – 2 базавыя велічыні, прызнаўшы яго вінаватым у дробным хуліганстве паводле арт. 19.1 КаАП.

У Крымінальным кодэксе чакаюцца змены: нараўне з пакараннем за злачынства па прысудзе суда мяркуецца прымусовае лячэнне педафілаў - ажну да хімічнай кастрацыі. Адпаведны законапраект падрыхтаваны МУС па прапанове Генпракуратуры.