Ігар Грышанаў спадзяецца на перагляд ягонай адміністрацыйнай справы
Вярхоўны суд Рэспублікі Беларусь праводзіць у парадку судовага нагляду праверку адміністрацыйнай справы Ігара Грышанава, колішняга старасты вёскі Стаўры, што пад Воршай. А пакуль намесьнік старшыні ВС Руслан Аніскевіч прыпыніў выкананьне пастановы райсуду па справе.
Найвядомейшы старэйшына вёскі ў Аршанскім раёне сыходзіць са сваёй пасады
Пра тое, што Ігар Грышанаў адмовіўся працягваць свае функцыі старэйшыны, жыхары вёскі Стаўры даведаліся з адмысловага навагодняга звароту, які быў распаўсюджаны ў вёсцы. У звароце Грышанаў дзякуе ўсім, хто дапамагаў яму ў працы, удзельнічаў у імпрэзах, віншуе з Калядамі і Новым годам, падсумоўвае некаторыя вынікі апошніх гадоў для Стаўроў.
Як у Докшыцкім раёне асвоілі грант ЭЗ/ПРААН у 18 тысяч даляраў
Газэта “Родныя вытокі”, орган Докшыцкага райвыканкаму, паведаміла пра адкрыцьцё гісторыка-культурнага музэю ў вёсцы Сітцы. Гэты музей быў адкрыты пры вясковай бібліятэцы.
Пад Бешанковічамі паўгода рамантуюць дарогу
Дарогу, якая вядзе ў вёску Горкі Бешанковіцкага раёну, вяскоўцы прасілі адрамантаваць яшчэ ўвесну. Будаўнікі зьявіліся тут летам. У выніку паводле папер дарога прыдатная да выкарыстаньня, але мясцовыя жыхары сьцьвярджаюць, што зробленая толькі палова працы.
Незанятых дамоў на Віцебшчыне становіцца ўсё больш, а мер прымаецца ўсё менш
У Віцебскай вобласьці мясцовыя органы ўлады працягваюць змагацца зь незанятыми і лядашчымі дамамі ў сельскай мясцовасьці, аднак, як паказвае практыка, захадыы па скарачэньні такога жытла нельга назваць надта эфэктыўнымі, а дзесьці пра эфэктыўнасьць і зусім казаць не прыпадае.
Вяскоўцы з-пад Воршы дамагліся таго, што цяпер да іх ходзіць аўтобус
Жыхары вёскі Стаўры атрымалі магчымасьць карыстацца прыгарадным аўтобусам. Цяпер аўтобус Ворша – Барздоўка тры разы на тыдзень ходзіць праз Стаўры. Дамагліся гэтага самі жыхары вёскі, накіраваўшы ў аўтапарк калектыўны зварот.
Як глыбоцкія адмыслоўцы «рамантуюць» дарогу
Вёска Сарокі (Глыбоцкі раён, Залескі сельсавет). Дарога асфальтаваная яшчэ на пачатку 90-х. Жывуць амаль выключна пэнсіянэры, але кожны клапоціцца пра стан сваёй сядзібы і нават дарогі каля сядзібы: жыхары самі ліквідуюць выбоіны, цэмэнтуюць, падсыпаюць па меры неабходнасьці.
У вёску ў Віцебскім раёне ўжо паўтара месяца не прыяжджае аўтакрама
Праблема ўсплыла ў сацсетках: рэжысэр зь Менску Надзея Гаркунова напісала, што жыхары вёскі Гараднянскі Мох Віцебскага раёну некалькі тыдняў ня могуць купіць малако і хлеб – да іх не даяжджае аўтакрама.
З-за афрыканскай чумы сьвіней на Глыбоччыне перакрылі дарогу
На Глыбоччыне ўлады перакрылі дарогу, якая вядзе з раённага цэнтру ў вёску Дзеркаўшчына. Гэта зьвязана з пагрозай афрыканскай чумы сьвіней, бо траса праходзіць каля сьвінакомплексу “Маліноўшчына”.
Пад Віцебскам разбурылі старажытнае гарадзішча
Падчас будаўніцтва станцыі абезьзялезваньня каля Сялюцкага псыханэўралягічнага дому-інтэрнату для састарэлых і інвалідаў быў часткова раскапаны пагорак, на якім знаходзіцца гарадзішча V стагодзьдзя да н.э. — V стагодзьдзя н.э. Гарадзішча ёсьць культурна-гістарычнай каштоўнасьцю Беларусі 3-й катэгорыі.