«Журавы і журавіны» – пяты па ліку экалягічны фэстываль прайшоў у Мёрах. Ён адбыўся ў звычайным фармаце, але сёлета надвор’е не паспрыяла, таму і журавоў арнітолягі налічылі менш, чым звычайна. Да таго ж беларуская мова са сцэны амаль не гучала, акрамя некалькіх песень у выкананьні менскага фольк-гурту «Калі ласка».

У сярэдзіне траўня, у 15-19 чыслах, з азнаямленчай паездкай Беларусь наведала польская дэлегацыя з Падляскага ваяводзтва на чале з польскім амбасадарам у нашай краіне Конрадам Паўлікам. Візыт на Мёршчыну палякі нанесьлі 18 мая.

Мясцовым фондам «Рэгіянальнае партнэрства» сумесна зь Мёрскім раённым выканаўчым камітэтам і Віцебскім абласным цэнтрам маркетынгу ў межах праграмы праекту ЭЗ/ПРААН вядзецца рэалізацыя ініцыятывы малога і сярэдняга бізнэсу з мэтай сацыяльнага і эканамічнага разьвіцьця рэгіёну.

Газэта «Советская Белоруссия», орган Адміністрацыі прэзыдэнта, апублікавала артыкул пра актывіста апазыцыйнай Аб'яднанай грамадзянскай партыі зь Мёраў. Карэспандэнт газэты піша, што ў рэдакцыю прыйшоў ананімны ліст зь Мёрскага раёну. Аўтар ліста пісаў пра апазыцыянэра Віктара Шульгу, які дзеля прынцыпу адмовіўся выконваць рашэньне партыі аб байкоце прэзыдэнцкіх выбараў у 2015 годзе.

Камітэт дзяржаўнага кантролю Віцебскай вобласьці выявіў факты неэфэктыўнага выкарыстаньня прадпрыемствамі рэгіёну дзяржаўнай падтрымкі, у сьпіс парушальнікаў трапіў і ААТ “Мёрскі мясакамбінат”. ААТ “Мёрскі мясакамбінат” не па мэтавым прызначэньні (на пагашэньне крэдыту) накіравана Br1,8 млрд, або 16% пазыкаў, дадзеных на папаўненьне ўласных абаротных сродкаў. Апроч таго, неэфэктыўна выкарыстаныя Br4,5 млрд - грошы пайшлі на авансаваньне сельгасарганізацыяў, якія маюць пратэрмінаваную запазычанасьць.

У Мёрах 22 лютага былі затрыманыя двое карэспандэнтаў тэлеканалу «Белсат», якія прыехалі ў горад асьвятляць да гэтага часу ня вырашаную праблему адсутнасьці ацяпленьня, паведаміла прэс-служба аргкамітэту па стварэньні партыі «Беларуская хрысьціянская дэмакратыя» (БХД). Прозьвішчы журналістаў не называюцца.

У Мёрах працягваюцца вайсковыя вучэньні. Дзеля іх правядзеньня вайскоўцам былі аддадзеныя спартовая школа і стадыён, на якіх усталявалі блёкпосты, у выніку чаго жыхары гораду ня могуць займацца спортам. Гэта выклікае вялікае незадавальненьне ў жыхароў Мёраў, кажа каардынатар аргкамітэту па стварэньні партыі «Беларуская хрысьціянская дэмакратыя» Багуслаў Мацук.

Здымачную групу незалежных журналістаў, якія супрацоўнічаюць з тэлеканалам «Белсат», затрымалі ў Мёрах. Наста Рэзьнікава, Аляксандар Пацееў і Сяргей Кручкоў здымалі сюжэт для праграмы «Маю права» пра жыхароў мястэчка, якія засталіся без ацяпленьня.

У сувязі з праверкай ступені падрыхтаванасьці «тэрытарыяльнай абароны» гарадок Мёры пераведзены на ваеннае становішча, дзейнічае камэнданцкі час. З гораду і раёну мабілізавана больш за 200 чалавек, шмат вайскоўцаў прыехала зь іншых рэгіёнаў. У генштаб ператвораная ДЮСШ, заняты гарадзкі стадыён. Гэтая тэрыторыя абнесеная барыкадамі зь мяхоў зь пяском.