06.05.2024 Тэгі: суды, палітвязні, ціск Па ініцыятыве адміністрацыі івацэвіцкай калоніі № 22 супраць Дзмітрыя Рэзановіча ўзбудзілі крымінальную справу паводле ч. 2 арт. 411 КК (злоснае непадпарадкаванне патрабаванням адміністрацыі калоніі). Справу палітвязня пачалі разглядаць яшчэ 26 сакавіка у судзе Івацэвіцкага раёна. 26 красавіка суддзя Сяргей Кухацкавалец прызнаў яго вінаватым і прызначыў у дадатак да 19 гадоў калой яшчэ дзевяць месяцаў зняволення.
Актывіста анархічнага руху затрымалі напрыканцы кастрычніка 2020 года. Яго, а таксама Ігара Аліневіча, Сяргея Раманава і Дзмітрыя Дубоўскага абвінавацілі па шэрагу артыкулаў за падпал службовых аўтамабіляў, будынка ДАІ і дзяржаўнага камітэта экспертыз у Гомельскай вобласці. 22 снежня 2021 года Мінскі абласны суд прызначыў Аліневічу і Раманаву — па 20 гадоў калоніі; Рэзановічу — 19 гадоў калоніі; Дубоўскаму — 18 гадоў калоніі. Суд з першага пасяджэння адбываўся ў закрытым рэжыме.
Ад 18 да 20 гадоў: у Мінску вынеслі прысуды анарха-партызанам
Тэрмін Дзмітрыя накіравалі ў івацэвіцкую калонію № 22. Там яго неаднаразова змяшчалі ў ШІЗА, а потым перавялі ў памяшканне камернага тыпу (ПКТ). Пазней адміністрацыя калоніі ініцыявала ўзбуджэнне супраць Рэзановіча новай крымінальнай справы паводле ч. 2 арт. 411 КК (злоснае непадпарадкаванне патрабаванням адміністрацыі калоніі)
26 сакавіка ў судзе Івацэвіцкага раёна пачалі разгляд новай крымінальнай справы. Роўна праз месяц суддзя Сяргей Кухацкавалец агучыў палітвязню прысуд — дзевяць месяцаў зняволення ў дадатак да 19 гадоў пазбаўлення волі.
Да разгяляду апеляцыйнай скаргі Дзмітрыя будуць утрымліваць у баранавіцкім СІЗА № 6.
Падтрымаць палітвязня:
СІЗА-6. 225413, г. Баранавічы, вул. Брэсцкая, 258В
Дзмітрый Рыгоравіч Рэзановіч
Крыніца: Палітвязню Дзмітрыю Рэзановічу дадалі яшчэ 9 месяцаў калоніі