Вырак англічаніну Алану Сьміту – 2 гады зьняволеньня
11 ліпеня ў судзе Глыбокага завяршыўся разбор крымінальнай справы пра незаконную міграцыю, у арганізацыі якой абвінавачваліся грамадзянін Вялікай Брытаніі Алан Сьміт і двое грамадзян Беларусі. Судзьдзя перакваліфікаваў абвінавачаньне ў дачыненьні да англічаніна з часткі 2 артыкулу 371¹ КК на больш мяккую частку 1 і прысудзіў яго да двух гадоў зьняволеньня ва ўмовах агульнага рэжыму.
Суд Глыбокага адклаў вынясеньне выраку абвінавачаным у незаконнай міграцыі
29 чэрвеня ў Глыбокім працягнуўся судовы разгляд справы аб арганізацыі незаконнай міграцыі, у якой абвінавачваюць дваіх грамадзян Беларусі і англічаніна Алана Сьміта. Хоць на ранейшым судовым паседжаньні ўжо прагучала апошняе слова падсудных, вырак, абвяшчэньня якога чакалі, аб'яўлены ня быў. Судзьдзя заявіў пра новавыяўленыя акалічнасьці і вярнуў разбор справы на этап судовага сьледзтва.
Віцебск: Сьледчы камітэт завяршыў расьсьледаваньне справы пра зьнявагу сьцягу
Крымінальная справа была распачатая пракуратурай Віцебску. У злачынстве абвінавачвааюць 44-гадовага жыхара абласнога цэнтру. Падрабязнасьці справы паведаміла афіцыйная прадстаўніца УСК па рэгіёне Сьвятлана Сахарава.
У Глыбокім завяршаецца судовы разбор справы пра незаконную міграцыю
Кожны з падсудных, англічанін Алан Сьміт і двое грамадзян Беларусі, прамовіў сваё апошняе слова. Перад тым пракурор запатрабаваў для брытанскага падданага 6 гадоў зьняволеньня, для беларускіх грамадзян – па 5 гадоў. Судзьдзя абвясьціў перапынак да 10-й раніцы 29 чэрвеня.
На Аршанскай санстанцыі дзяржкантроль выявіў прыпіскі
Жыхары Аршанскага раёну пераплацілі 193 500 рублёў за работы па сыстэматычнай дэратызацыі, дэзінфэкцыі і дэзінсэкцыі, якія насамрэч не праводзіліся.
Гарадоцкі райсуд пакараў чатырох кіраўнікоў прадпрыемства за махінацыі з жытлом
Да пазбаўленьня волі на тэрмін ад двух з паловай да трох з паловай гадоў прысудзіў суд Гарадоцкага раёну чатырох кіроўных работнікаў аднаго з прадпрыемстваў за перавышэньне службовых паўнамоцтваў і падробку.
Брытанскі падданы зрабіў заяву ў беларускім судзе
За восем месяцаў знаходжаньня за кратамі ў Беларусі Алан Сьміт упершыню змог зрабіць заяву. Празь перакладчыка. Заява ў Глыбоцкім райсудзе зацягнулася амаль на ўвесь дзень судовага разбору ў чацьвер, 8 чэрвеня. Сьміт зважыў на грубыя парушэньні беларускім сьледзтвам яго права на юрыдычную абарону і заявіў пра сваю невінаватасьць.
Дырэктарцы Віцебскай птушкафабрыкі не ўдалося ліквідаваць наступствы свайго арышту
Вяртаньне пасьля двухгадовага зьняволеньня Ганны Шарэйкі пакуль не дапамагло Віцебскай бройлернай фабрыцы аднавіць долю на рынку. Пад кіраўніцтвам экс-сэнатара ў першым квартале віцебская бройлерка апынулася адным з двух буйных прадпрыемстваў галіны, якія скарацілі аб'ёмы ў параўнаньні з аналягічным пэрыядам мінулага году.
За скрадзеную шакалядку віцебскаму школьніку пагражае да трох гадоў зьняволеньня
Крымінальная справа паводле часткі 1 артыкулу 205 КК (крадзеж) распачатая ў дачыненьні да дзесяціклясьніка адной са школаў Віцебску. Агульная сума шкоды, нібыта нанесенай дзесяціклясьнікам, склала 2 рублі 35 капеек.
За зьневажаньне дзяржаўнага сьцягу віцебчуку пагражае да году зьняволеньня
Крымінальная справа за зьнявагу дзяржаўных сымбаляў распачатая ў дачыненьні да жыхара Віцебску, паведамілі ў пракуратуры абласнога цэнтру.