Слухаць Талая склікалі прадстаўнікоў грамадскіх структур, але большасць прысутных у залі склалі навучэнцы адукцыйных установаў, а таксама школьнікі – выхаванцы вайскова-патрыятычных клубаў. Выступоўца распавёў, як у падлеткавым узросце ён стаў інвалідам, падарваўшыся на міне часоў Вялікай Айчыннай вайны, як знайшоў у сабе сілы жыць далей, як пачаў займацца спортам... А потым пераключыўся на заклікі абавязкова ўзяць адзел у выбарах, параіўшы прысутным «где-то приспосабливаться, где-то стоять, а где-то уже и наступать», паводле цытавання ягоных словаў у «Аршанскай газеце». Таксама «говорили и о мужестве, о патриотизме, о поддержке людей в зоне боевых действий, о помощи детям Донбасса. Фонд Алексея Талая активно помогает в реабилитации детей из ДНР, ЛНР и других регионов Украины в Беларуси», піша аршанская «раёнка».

Як высветлілася падчас сустрэчы, у свой родны горад Аляксей Талай прыехаў не проста так, а за чарговай «порцыяй» ахвяраванняў, якія збіралі цягам месяца «пярвічкі» РГА «Белая Русь», актывісты БРСМ і прадстаўнікі розных арганізацый і установаў, у там ліку рэдакцыя «Аршанскай газеты». Усё сабранае пайшло ў Фонд Аляксея Талая, ад імя якога будзе размеркавана на часова акупаваных украінскіх тэрыторыях.

Майя Лісіцкая