Першы раз Аляксандр быў затрыманы па адміністрацыйнай справе па распаўсюджванні "экстрэмізму" 11 кастрычніка і неўзабаве па рашэнні суда Кастрычніцкага раёна на падставе ч.2. ст. 19/11 быў пакараны адміністрацыйным арыштам тэрмінам на 15 сутак.

Пры паўторнай праверцы работнікамі міліцыі гаджэтаў Ганчарова імі быў складзены яшчэ адны пратакол па адміністрацыйным правапарушэнні, звязаным з распаўсюджваннем "экстрэмізму" ў Інтэрнеце. На падставе гэтага пратаколу судзьдзя Царыкаў пастанавіў пакараць доктара арыштам яшчэ на 15 сутак. Суддзя Вітаблсуда Іванова, якая не знайшла парушэнняў у рашэнні ніжэйстаячага суда, пакінула скаргу Аляксандра без задавальнення.

Чакаецца, што Ганчароў адбудзе арышт і выйдзе на волю 17 лістапада.

Сяргей Шматковіч