Падставай стала тое, што ў сваёй сацыяльнай сетцы “Вконтакте” Андрэй Гутар размясціў дзве публікацыі з выявамі нацыянальнага бел-чырвона-белага сцяга. Паводле суда, ён такім чынам выказаў свае погляды на падзеі грамадска-палітычнага жыцця ў Беларусі, што палічылі пікетаваннем без згоды ўладаў. А таксама пільныя органы ў асобе віцебскіх міліцыянтаў заўважылі на асабістым акаўнце мужчыны ў ютубе так званыя экстрэмісцкія матэрыялы.

За гэта суддзя Глыбоцкага суда Андрэй Тарасевіч прысудзіў беспрацоўнаму, які гадуе малалетняе дзіця, па двух вышэйзгаданых артыкулах 7 і 8 сутак адпаведна, што агулам склала 15 сутак арышту з канфіскацыяй прадмета адміністрацыйнага правапарушэння.

Ягор Дым