За апошнія 3 месяцы ахвярамі зламыснікаў сталі людзі не "простыя" жыхары Віцебскай вобласці, а цалкам сабе разумныя, адукаваныя і значымыя людзі. Гэта 14 бухгалтараў, 5 дырэктараў і іх намеснікаў дзяржустаноў, работнікі райвыканкамаў, службовыя і адказныя асобы прадпрыемстваў і ўстаноў.

Таксама падманваюць і шмат працоўных і дробных служачых. Напрыклад, лабарантку з Верхнядзвінску ў мэсэнджэры «Telegram» угаварылі аформіць у банку крэдыт. Усе 11 тыс. рублёў яна перавяла на ўказаны ашуканцамі банкаўскі рахунак. Закройшчыцу з Наваполацка праз «WhatsApp» пад маркай захавання грашовых сродкаў пераканалі аформіць анлайн-крэдыт і перавесці амаль 10 тысяч рублёў на рахунак невядомых. Больш за ўсіх пацярпеў сталяр з Віцебска, які аформіў крэдыт і перавёў больш за 22 тыс. рублёў невядомым. Гэтыя ашуканцы прадставіліся ў мэсэнджэры «Viber» супрацоўнікамі міліцыі.

Раман Грушавы