Вывешваньне налепак з партрэтамі Віктара Ганчара, Юрыя Захаранкі, Зьмітра Завадзкага і Аляксандра Красоўскага і раздачу ўлётак намесьніца старшыні суду гораду Наваполацку Алена Верташонак кваліфікавала як не дазволены ўладамі пікет. Актывіст быў пакараны паводле часткі 3 артыкулу 23.34 КаАП – парушэньне парадку арганізацыі або правядзеньня масавага мерапрыемства, зьдзейсьненае паўторна цягам аднаго году.
Суд адбыўся 30 лістапада. Сьведкамі ў судзе выступілі Аляксандар Барэткін, супрацоўнік праваахоўных органаў, і Ўладзімер Бяляеў, намесьнік начальніка аддзелу ідэалягічнай працы, культуры і па справах моладзі Наваполацкага гарвыканкаму.
Андрэй Гайдукоў сваёй віны ў судзе не прызнаў. Ён лічыць, што суд быў несправядлівым і небесстароньнім, і выказаў намер абскардзіць яго рашэньне.