Паплечнікі Тацьцяны Караткевіч плянуюць сабраць 25 тысяч подпісаў у Віцебскай вобласьці
Старшыня перадвыбарчага штабу Тацьцяны Караткевіч па Віцебскай вобласьці і каардынатарка па Віцебскім раёне Лідзія Сагідуліна ласкава пагадзілася ацаніць першы этап працы, праведзенай ў паўночным рэгіёне краіны, па вылучэньні на пасаду прэзыдэнта кандыдата ад кааліцыі «Народны рэфэрэндум».
Лячэбна-працоўныя прафілякторыі: эфэктыўны спосаб лекаваньня ад алькагалізму ці пакараньне за хваробу?
Месяцы тры таму, выступаючы са штогадовым пасланьнем да народу і парлямэнту, Аляксандар Лукашэнка зьвярнуў асаблівую ўвагу на праблему алькагалізацыі насельніцтва Беларусі. На думку прэзыдэнта, людзей, якія пакутуюць на алькагалізм, неабходна прымусова «лекаваць» працатэрапіяй. «Я ўпэўнены, што для алькаша найлепшае – выхаваньне працай», – заявіў кіраўнік дзяржавы.
Доктар Ігар Пастноў незадаволены адказам Ярмошынай
Віцебскі лекар Ігар Пастноў прасіў Лідзію Ярмошыну разабрацца наконт нібыта выкарыстаньня мясцовымі ўладамі адміністрацыйнага рэсурсу на карысьць прэтэндэнта ў кандыдаты Аляксандра Лукашэнкі. Адказ старшыні Цэнтральнай камісіі па выбарах уразіў яго сваёй ляканічнасьцю.
Умовы працы на волі і ў папраўчай калёніі супастаўныя
Актывісты Свабоднага прафсаюзу Полацку сустрэліся з былым палітвязьнем Андрэем Гайдуковым.
Зборшчыкі подпісаў на Віцебшчыне будуць лічыць мэтры і вызначаць межы «тэрыторыяў» каля будынкаў
У Глыбокім нельга зьбіраць подпісы за вылучэньне кандыдатаў на прэзыдэнцкія выбары бліжэй як за 50 мэтраў ад устаноў і арганізацыяў. У іншых райцэнтрах – бліжэй чымся за 20. У асобных рэгіёнах адлегласьці ня вызначалі, аднак увялі куды больш жорсткія абмежаваньні.
Міліцыя шукае ўладальніка сайту «Свабодны рэгіён»
Гісторыя зь «лістамі шчасьця» ад Міністэрства інфармацыі шэрагу сайтаў ня скончылася. У Наваполацку міліцыя працягвае пошукі ўладальніка сайту freeregion.info, апытваючы суседзяў і сваякоў Вадзіма Драздова.
Глыбоцкага журналіста Зьмітра Лупача будуць судзіць 23 ліпеня
Гэта ўжо другая спроба разгледзець адміністрацыйную справу незалежнага журналіста. Як паведамілі яму ў тэлефоннай размове, працэс мае распачацца ў чацьвер, 23 ліпеня, а 14:30 у Глыбоцкім райсудзе.
КДБ схіляе да супрацы незалежнага журналіста Зьмітра Лупача
Глыбоцкі журналіст Зьміцер Лупач распавёў, што прадстаўнікі КДБ схілялі яго да супрацоўніцтва – каб ён паведамляў падрабязнасьці пра тутэйшых актывістаў, пра сустрэчы зь сябрамі грамадзкага аб’яднаньня “Беларуская асацыяцыя журналістаў” і пра апазыцыйную актыўнасьць у рэгіёне.
Прысуд праваабаронцу Міхаілу Жамчужнаму – 6 гадоў строгага рэжыму
10 ліпеня Віцебскім абласным судом быў вынесены прысуд заснавальніку ПКПУ «Платформ инавэйшан» Міхаілу Жамчужнаму. Паводле рашэньня суду праваабаронца правядзе 6 гадоў у калёніі строгага рэжыму, таксама на 2 гады і 8 месяцаў Міхаіл пазбаўлены права выконваць арганізацыйна-прававыя функцыі. Раней пракурор запрасіў для Міхаіла 7 гадоў пазбаўленьня волі.
Суд над Тацьцянай Смоткінай адкладзены
8 ліпеня незалежнай журналістцы з Глыбокага Тацьцяне Смоткінай патэлефанавалі з раённага суду і сказалі, што 9 ліпеня суд не адбудзецца, бо ён пераносіцца. Справу аддалі на дапрацоўку ў міліцыю, паперы адтуль яшчэ не прыйшлі. Тацьцяне паведамілі, што пра новую дату суду паведамяць пазьней – патэлефануюць, або нейкім іншым чынам.