Андрэй Мельнікаў і Валер Мазынскі падтрымалі палітвязьняў
У Віцебску ў мясцовым “Эўрапейскім доме” адбылася ўрачыстая вечарына, прымеркаваная да 170-годзьдзя з дня нараджэньня Кастуся Каліноўскага і 95-годзьдзя абвяшчэньня Беларускай Народнай Рэспублікі. Падчас вечарыны таксама былі падведзеныя вынікі нацыянальнай дыктоўкі, пераможца якой – віцебская абласная каардынатарка БХД Тацьцяна Севярынец – атрымала каштоўны прыз – кнігі. На вечарыне ў падтрымку палітвязьняў выступілі кінарэжысэр Валер Мазынскі, які распавёў пра некаторыя са сваіх фільмаў, прысьвечаных рэпрэсаваным, і бард Андрэй Мельнікаў зь песьнямі са свайго новага альбому.
Выкананьня рашэньня КПЧ ААН жыхарка Віцебску дамагаецца праз суд
Як мы паведамлялі раней, Камітэт па правох чалавека ААН прызнаў, што ўлады Беларусі парушылі грамадзянскія і палітычныя правы Антаніны Піванос. Аднак улады не сьпяшаюцца выконваць рашэньне аўтарытэтнага міжнароднага воргану. Каб усё-такі дамагчыся рэалізацыі гэтага рашэньня на практыцы, віцебская актывістка вымушаная была зьвярнуцца ў суд.
“Хваля салідарнасьці” дакацілася да Гарадка
Чарговым месцам правядзеньня маратону “Хваля салідарнасьці” стала мястэчка Гарадок Віцебскай вобласьці. Тут мясцовыя актывісты “Беларускай хрысьціянскай дэмакратыі” разам зь іншымі неабыякавымі людзьмі напісалі лісты палітвязьням. Мяркуецца, што маратон “Хваля салідарнасьці” пройдзе па 37 гарадох Беларусі і скончыцца акцыяй у Дзень Волі ў Менску.
Беларуская Фэміда: Для жыхароў Віцебску права на мірныя сходы больш не існуе
Віцебскія актывісты ўжо каторы раз спрабавалі выканаць рашэньне гарвыканкаму “Аб правядзеньні масавых мерапрыемствах у г. Віцебску”. Згодна зь ім, заяўнікі масавых акцыяў мусяць заключыць дамовы на абслугоўваньне з ЖКГ, паліклінікай і міліцыяй. Але гэтыя структуры адмаўляюцца супрацоўнічаць з апазыцыянерамі, і Кастрычніцкі райсуд пацьвердзіў: рашэньне гарвыканкаму дазваляе дзяржаўным структурам ухіляцца ад дамоваў.
«Лісты з-пад шыбеніцы» Каліноўскага пісалі ў Віцебску
Актывісты “Беларускай хрысьціянскай дэмакратыі” 14 сакавіка разам з прадстаўнікамі дэмакратычнай грамадзкасьці Віцебску ў межах падрыхтоўкі да Дня Волі ўзялі ўдзел у агульнанацыянальнай дыктоўцы паводле “Лістоў з-пад шыбеніцы” Кастуся Каліноўскага. Потым прысутныя далучыліся да “Хвалі салідарнасьці” і напісалі лісты падтрымкі палітвязьням.
Зруйнавалі хату пакуль гаспадыня-інвалід ляжала ў шпіталі
Супрацоўнікі гарадоцкага прадпрыемства на Віцебшчыне ў рамках добраўпарадкаваньня тэрыторыяў разам зь безгаспадарнымі пабудовамі разабралі жылую хату. Жахлівы інцыдэнт адбыўся пакуль гаспадыня, інвалід 1 групы, была ў лякарні. Рабочыя самавольна дэмантавалі дах, вокны і дзьверы. Пацярпелай жанчыне шкоду не кампэнсавалі.
Кіраўніка пяршоўкі Свабоднага прафсаюзу не пусьцілі на тэрыторыю прадпрыемства
Супрацоўнікі аховы Лукомальскай ДРЭС 5 сакавіка не пусьцілі старшыню пяршоўкі Свабоднага прафсаюзу Беларускага (СПБ) Аляксея Габрыэля на тэрыторыю прадпрыемства. На думку прафсаюзнага лідэра, адміністрацыя спалохалася яго выступу на канфэрэнцыі працоўнага калектыву. Канфэрэнцыя працоўнага калектыву работнікаў Лукомальскай ДРЭС была прысьвечаная падвядзеньню вынікаў выкананьня мінулай калектыўнай дамовы і абмеркаваньню новай.
Барыс Хамайда перапісваў Біблію
Беларусы далучаюцца да грамадзянскай акцыі. Жаданьне перапісваць фрагмэнты Бібліі ад рукі выказваюць жыхары розных рэгіёнаў краіны. Да Рыгора Барадуліна, Алеся Сёмухі-Грынберга, Сяргея Антончыка і іншых далучыўся Барыс Хамайда. Вызначаную частку Бібліі актывіст перапісваў у цэнтры Віцебску.
Маці Ўладзіслава Кавалёва хоча ведаць, дзе цела яе сына
13 сакавіка ў Менску на прэс-канфэрэнцыі, прымеркаванай да гадавіны растрэлу Ўладзіслава Кавалёва і Дзьмітрыя Канавалава, маці пакаранага за суўдзел у тэрарызьме Ўладзіслава Кавалёва і праваабаронцы распачынаюць сэрыю дзеяньняў з мэтай дамагчыся ад уладаў інфармацыі пра месца яго пахаваньня і выдачы цела. Апошняе спатканьне Любові Кавалёвай з асуджаным на пакараньне сьмерцю сынам адбылася ў сьледчым ізалятары (СІЗА) КДБ 11 сакавіка 2012 году. Маці пакаранага і праваабаронцы лічаць, што Ўладзіслаў быў пакараны ў пэрыяд з 12 па 15 сакавіка. Дакладнай інфармацыі няма.
Гандляры Віцебшчыны масава парушаюць заканадаўства
Парушэньні заканадаўства пры абслугоўваньні спажыўцоў выяўленыя ў лютым ва ўсіх правераных Камітэтам дзяржаўнага кантролю крамах Віцебску і Віцебскага раёну, паведамілі ў КДК Віцебскай вобласьці. КДК вобласьці ў лютым правёў кантрольна-аналітычныя мерапрыемствы ў 19 гандлёвых аб’ектах. Вынікі мерапрыемстваў сьведчаць пра недастатковы кантроль за станам гандлёвага абслугоўваньня насельніцтва з боку гандлёвых арганізацыяў, ворганаў мясцовага кіраваньня, а таксама мясцовых наглядных ворганаў па недапушчэньні парушэньняў і іх прафіляктыцы, лічаць у ведамстве.