Яшчэ чацвёра жыхароў Віцебшчыны трапілі ў агульную базу вышуку Беларусі і Расіі
Гэта Міхаіл Жамчужны, Аляксандр Корнышаў, Кацярына Лупач і Уладзімір Мартаў, якія па палітычных прычынах былі вымушаны пакінуць Беларусь і цяпер жывуць у замежжы. Тое, што яны трапілі ў міждзяржаўную базу, азначае, што знаходжанне ў Расіі ім гэтак жа сама пагражае затрыманнем, як і ў Беларусі. Прыкладам стала заўчорашняе затрыманне лекара Уладзіміра Мартава ў Ленінградскай вобласці.
Хату Алены Янушкоўскай, якая цяпер у вымушанай эміграцыі, прадаюць з аўкцыёну
Прычына – пазыкі па падатках і штрафах, прысуджаных віцебскай актывістцы. Агульная сума, якую Алена Янушкоўская не выплаціла дзяржаве, складае 1436 рублёў 60 капеек. Хату, якая знаходзіцца ў вёсцы Суйкава за 3 км ад Віцебска, збіраюцца прадаць за 10 700 рублёў. На думку актывісткі, гэты кошт, прапанаваны БТІ, проста смешны: 20 гад таму жанчына набывала гэтую маёмасць з 9 тысяч даляраў. Аўкцыён па продажы маёмасці Янушкоўскай прызначаны на 30 траўня.
Рэдактара будуць судзіць за спасылкі на «Витебский курьер news»
Аляксандр Корнышаў, рэдактар інтэрнэт-выдання «Витебский курьер news», атрымаў з аддзела міліцыі Першамайскага раёна дзве позвы ў суд – на 16 і на 20 траўня. Яго прыцягваюць да адміністрацыйнай адказнасці паводле ч. 2 арт. 19.11 КаАП – за распаўсюд экстрэмісцкіх матэрыялаў. Паводле высноваў міліцыі, віна Аляксандра Корнышава палягае ў тым, што на сваёй старонцы у сацыяльнай сетцы «ВКонтакте» ён размяшчаў спасылкі на матэрыялы рэсурсу, якім ён кіруе. Тады як сайт «Витебский курьер news» ўжо больш як два гады таму прызнаны «экстрэмісцкай інфармацыйнай прадукцыяй».
У Расіі затрымалі Уладзіміра Мартава – віцебскага лекара, які казаў праўду пра ковід
14 траўня ў горадзе Мурына Ленінградскай вобласці затрымалі доктара Уладзіміра Мартава, які з'ехаў з Беларусі. Ён знаходзіўся ў міждзяржаўным вышуку за «ўдзел у дзейнасці экстрэмісцкага фармавання» за інтэрв'ю замежнаму СМІ, абвешчанаму ў Беларусі «Экстрэмісцкім фармаваннем».
«Спробы дэстабілізаваць наша грамадства яшчэ будуць»
Дэпутат Віцебскага аблсавета па Браслаўскай выбарчай акрузе № 53 і генеральны дырэктар УП "Віцебскаблгаз" Аляксандр Бранцэвіч заявіў пра гэта на сустрэчы з настаўнікамі.
Улады Докшыцкага раёна вызначыліся з “днямі цвярозасці»
Сёлета чыноўнікі вызначылі сем дзён, калі гандлёвыя прадпрыемствы не змогуць прадаваць кліентам алкагольныя напоі. Аднак чыноўнікі пакінулі для аматараў «закласці за каўнер» магчымасць пацешыцца «гарачальнымі» напоямі ва ўстановах гандлю грамадскага харчавання ў разліў. Таксама абмежаванні не распаўсюджваюцца на гандаль алкаголем для правядзення вясельных урачыстасцяў і рытуальных абрадаў.
Газета «Витебские вести» раскрытыкавала пераможцу «Еўрабачання» за яго небінарную ідэнтычнасць
Журналістка Алена Сыс, аўтарка рубрыкі «Іншымі словамі», зневажальна выказалася і пра сам музычны конкурс, і пра асобных выканаўцаў, чый сцэнічны вобраз ёй не спадабаўся. «Дасталося» ад прадстаўніцы дзяржаўнага выдання і журы «Еўрабачання», і гледачам з замежных краін, і ўвогуле Еўропе як такой, бо «Проголосовала Европа в ночь ни за сына, ни за дочь». Артыкул з гэтай назвай прасякнуты непрыкрытай ксенафобияй у дачыненни да ўсіх, хто не адпавядае кансерватыўным падыходам як да музычнай культуры, так і да полавай ідэнтычнасці.
Летась на Віцебшчыне рэалізавалі толькі чатыры інвестпраекты
У Віцебскім аблвыканкаме расказалі, што рэалізавана па праграме "Адзін раён - адзін праект" у 2023 годзе. Паводле першага намесніка старшыні камітэта эканомікі Віцебскага аблвыканкама Канстанціна Чорнага, летась па праграме ў Віцебскай вобласці завяршылі толькі чатыры інвестпраекты.
Якасць аказання медыцынскіх паслуг, праблемы з прыёмам да лекараў вузкай спецыяльнасці
Гэтыя ды іншыя праблемы падымалі жыхары Віцебшчыны падчас сустрэчы з міністрам аховы здароўя Аляксандрам Хаджаевым. Выязны прыём у Паставах міністр правёў на пачатку траўня.
На Віцебшчыне сёлета на пляжах будуць працаваць 12 выратавальных станцый і 37 пастоў
Колькасць задзейнічаных у рабоце выратавальнікаў улады абяцаюць павялічыць, каб у найбольш ажыўленых кропках дзяжурылі па двое. Пра гэта паведамілі на выязным пасяджэнні камісіі па надзвычайных сітуацыях пры Віцебскім аблвыканкаме, якое прайшло ва Ушацкім раёне.