У Шаркоўшчынскім раёне ўзаралі месца з магіламі ахвяр гета
У Шаркоўшчынскім раёне ўзаранае месца з пахаваньнямі ахвяр гета. Іх забілі ў Другую сусьветную вайну падчас уцёкаў. Ніякага знака на пахаваньнях не было, але мясцовыя жыхары ведалі пра трагедыю і на тым месцы стараліся не касіць і не пасьвіць жывёлу. Гады чатыры таму мясцовае сельгаспрадпрыемства імя Маркава ўзарала гэты ўчастак зямлі. Гэтым летам тут пасьвілі быдла.
У 2014 годзе істотна павялічыўся прыток замежных грамадзян у Віцебскую вобласьць
У Віцебскай вобласьці сёлета зарэгістравана на 2 тысячы замежных грамадзян больш, чымся за аналягічны пэрыяд 2013 году, і на тысячу замежнікаў больш атрымалі пасьведчаньні на жыхарства. Такія дадзеныя агучыла начальнік упраўленьня па грамадзянстве і міграцыі УУС аблвыканкаму Тацьцяна Рамашова падчас круглага стала “Узаемадзеяньне БТЧК зь дзяржаўнымі органамі па аказаньні дапамогі затрыманым мігрантам”, які праходзіў у Віцебску.
Беларуская асацыяцыя журналістаў і Эўрапейская фэдэрацыя журналістаў пратэстуюць супраць перасьледу калег у Віцебску
Напярэдадні 5 лістапада, Сусьветнага дня “Станем за журналістыку”, група віцебскіх сябраў ГА “БАЖ” сфатаграфавалася на фоне будынку зь вядомым гарадзкім графіці – выявамі клетак, зь якіх вылятаюць зробленыя з газэты птушкі. Цяпер удзельнікаў фотасэсіі выклікаюць у Чыгуначны РАУС Віцебску, складаюць пратаколы за ўдзел у несанкцыянаванай акцыі (арт. 23.34 КаАП) і зьбіраюцца судзіць. Эўрапейская фэдэрацыя журналістаў і яе сябра – ГА “Беларуская асацыяцыя журналістаў” – лічаць абсурднымі выстаўленыя віцебскім калегам абвінавачаньні.
У Віцебску адмоўлена ў правядзеньні пікету за якасную мэдыцыну
У Віцебску гарадзкія ўлады адмовілі ў правядзеньні пікету 30 лістапада «За якасную мэдыцыну» ў горадзе. Заяўку 12 лістапада ў межах кампаніі «Народны кантроль» падалі прадстаўнікі «Беларускай хрысьціянскай дэмакратыі». Афіцыйная прычына адмовы – адсутнасьць дамоваў з камунальнымі, мэдычнымі і праваахоўнымі службамі па забесьпячэньні прыборкі і аховы пікету.
Павал Левінаў: “Я паведаміў у раённую адміністрацыю, што хачу сфатаграфавацца зь сябрамі. Няўжо не дазволяць?”
Праваабаронца хоча атрымаць афіцыйны адказ, ці можна фатаграфавацца ў Віцебску без дазволу ўладаў. Падставай для звароту ў адміністрацыю стаў інцыдэнт зь віцебскімі журналістамі і актывістамі, якіх вінавацяць у правядзеньні несанкцыянаванай акцыі “на падставе” здымкаў з фотасэсіі.
Андрэя Гайдукова пасадзілі на 10 сутак
25 лістапада судзьдзя Полацкага гарадзкога суду Ўладзімер Бясецкі прызнаў былога палітвязьня вінаватым у парушэньні артыкулу 23.34 КаАП і за “правядзеньне несанкцыянаванага пікету з раздачай улётак” прысудзіў Андрэю Гайдукову арышт на 10 сутак.
На Віцебшчыне ў ДТЗ гінуць тысячы
Без вайны за дзесяць гадоў у аўтаздарэньнях колькасна зьніклі два такія мястэчкі, як Шуміліна. Але бальшыні насельніцтва і справы да гэтага няма. Яны пра гэта ня думалі, ня ведаюць і ведаць ня хочуць.
Баевік ДНР зь Віцебску: «Наваросія — гэта тэма: і ты пры справе, і сям’ю можна пракарміць»
Жыхар Віцебску, які адправіўся ваяваць ва Ўкраіну на баку самаабвешчанай Данецкай Народнай Рэспублікі, распавёў сайту «Русская планета», навошта добраахвотнікі насамрэч едуць у Данбас.
У Віцебску будуць судзіць за фотаздымкі
Усяго, паводле віцебскай міліцыі, удзельнікаў несанкцыянаванай акцыі, якая адбылася 5 лістапада, было сямёра — тых, каго міліцыянты нейкім чынам пазналі па фотаздымках. Праваабаронца, трое журналістаў, дзьве грамадзкія актывісткі і невядомы мінак, які ўпадабаў ідэю сфатаграфавацца разам каля зачыненага на рэстаўрацыю Дома культуры, паведамляе праваабарончая арганибізацыя «Вясна».
Як жыхары Віцебску спрабуюць скарыстаць дэвальвацыю расейскага рубля
Тыя, хто маюць зьберажэньні ў замежнай валюце і цяпер могуць па выгадным курсе абмяняць яе на большую колькасьць расейскіх рублёў — едуць на закупы ў Расею. Так можна таньней набыць аўто ці бытавую тэхніку расейскай вытворчасьці. А для кагосьці зь віцяблянаў падзеньне курсу расейскіх грошай стала крахам невялікага, але ўсё ж выратавальнага бізнэсу — гандлю «зь зямлі» беларускімі прадуктамі.