20-гадовага жыхара Расон асуджанага за масавыя беспарадкі ўлады ўнеслі ў спіс тэрарыстаў
Улады, 4 кастрычніка, асуджанага да 1 года і 2 месяцаў гадам калоніі былога студэнта БНТУ Паўла Нявыгласа, які ў 2020-м апублікаваў звесткі, як вырабляць "кактэйль Молатава", унеслі ў спіс тэрарыстаў. Гэта 22-гі жыхар Віцебскай вобласці, якога ўлады зацвердзілі датычным да тэрарыстычнай дзейнасці.
Прызначаны суд над палітзняволенай Святланай Лупач
Маладую жанчыну, затрыманую сёлета ўночы на 1 траўня, вінавацяць паводле ч2. арт. 342 Крымінальнага кодэкса (Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх). Працэс над ёй распачнецца 16 кастрычніка ў судзе Першамайскага раёна Віцебска, суддзём прызначаны Міхаіл Юрчанка.
Палітвязня з Оршы Васіля Бераснева змясцілі ў шпіталь, яму патрэбна перасадка ныркі
Палітзняволенага па «справе незалежных прафсаюзаў» Васіля Бераснева, які адбывае пакаранне ў магілёўскай ПК № 15, тэрмінова накіравалі ў Магілёўскі абласны шпіталь. З 2018 г. ён жыве з адной ныркай – другую выдалілі з прычыны анкалагічнага захворвання. Стан ягонага здароўя значна пагоршыўся пасля затрымання 19 красавіка 2022 года ў межах крымінальнай «справы прафсаюзаў»: падчас знаходжання за кратамі ў СІЗА КДБ, а потым у СІЗА-1 у яго пачаліся болі ў адзінай нырцы. Належнай медычнай дапамогі ён не атрымліваў, па звестках сваякоў, яму толькі час ад часу ставілі кропельніцы для абязбольвання.
Палітвязень журналіст Андрэй Аляксандраў у калоніі схуднеў і піша музыку
Былы намеснік дырэктара БелаПАН, асуджаны на 14 гадоў калоніі, адбывае пакаранне ў Наваполацкай калоніі. Андрэй Аляксандраў знаходзіцца ў Наваполацкай калоніі № 2 з канца 2022 году. Паводле сваякоў, ён працуе ў цэху дрэваапрацоўкі, збівае скрыні і паддоны.
Палітзняволенымі прызналі трох «нафтанаўцаў» - Вольгу Брыцікаву, Аляксандра Балонкіна і Аляксандра Кухаронка
«Лічым недапушчальным утрыманне пад вартай Вольгі Брыцікавай, Аляксандра Кухаронка і Аляксандра Балонкіна, абвінавачаных па арт. 361 КК (заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы Рэспублікі Беларусь)», -- гаворыцца ў адмысловай заяве беларускай праваабарончай супольнасці.
Палітзняволены Анджэй Пачобут не атрымлівае лекаў для сэрца і ня можа тэлефанаваць дадому
Пра гэта падчас акцыі салідарнасці ў Беластоку расказаў намеснік старшыні Саюзу палякаў Беларусі Марэк Занеўскі. Паводле Занеўскага, да Пачобута, які адбывае пакаранне ў Наваполацкай ПК-1, не пускаюць адваката, да яго і ад яго не даходзяць лісты, яму не даюць яму лекаў, патрэбных штодня. Найбольшая праблема на сёння — гэта адсутнасць інфармацыі, бо мы ня ведаем, дзе ён цяпер, у якім ён стане і што наагул там з ім дзеецца», - сказаў намеснік старшыні Саюзу палякаў Беларусі.
Палітзняволены Дзмітрый Юртаеў працягвае пісаць вершы нават у віцебскай калоніі
Дзіцячы паэт і празаік, пераможца конкурсу "Пісьменнікі — дзецям", выкладчык прыватнай школы "Смарт скул" быў накіраваны ў калонію «Віцьба», каб адбываць пакаранне, прысуджанае яму 29 красавіка 2023 г. у Мінгарсудзе. Справу разглядала суддзя Анжэла Касцюкевіч. Яна прызнала Дзмітрыя Юртаева вінаватым паводле арт. 368 Крымінальнага кодэкса (Абраза прэзідэнта Рэспублікі Беларусь) і арт. 130 Крымінальнага кодэкса (Распальванне варожасці ці варажнечы) і асудзіла да 2-х гадоў пазбаўлення волі. 24 сакавіка 2023г. беларуская праваабарончая супольнасць прызнала яго палітычным зняволеным.
Палітвязня Мікалая Машарскага будуць судзіць 28 жніўня ў Полацку
Беларуская праваабарончая супольнасць прызнала жыхара Расонаў палітычным зняволеным 18 жніўня. Мужчыну затрымалі сёлета 9 чэрвеня і вінавацяць паводле арт. 342- 2 Крымінальнага кодэкса (Неаднаразовае парушэнне парадку арганізацыі і правядзення масавых мерапрыемстваў) і арт. 368 Крымінальнага кодэкса (Абраза прэзідэнта Рэспублікі Беларусь). Машарскага ўтрымліваюць у Віцебскім СІЗА-2.
Праваабаронцы прызналі палітзняволенай глыбачанку Святлану Лупач
Трэцяга жніўня праваабаронцы апублікавалі сумесную заяву праваабарончых арганізацый Беларусі аб прызнанні палітзняволенымі яшчэ 14 чалавек, якія праходзяць па крымінальнай справе 342 (Арганізацыя групавых дзеянняў, якія груба парушаюць грамадскі парадак або актыўны ўдзел у іх) ды іншых. Сярод іх і глыбачанка Святлана Лупач.
Палітвязня Арцёма Латышава перавялі з бабруйскай калоніі ў магілёўскую турму
На больш жорсткіх умовах для жыхара Віцебску, асуджанага за ўдзел у перфомансах з «пахаваннем» Лукашэнкі, настойвала адміністрацыя калоніі №2. Судовы працэс адбыўся 26 ліпеня, суд прызнаў Арцёма Латышава вінаватым у сістэматычных парушэннях рэжыму ўтрымання.