Рашэннем Віцебскага абласнога суда ўлады ліквідавалі фонд "За адраджэнне", які быў зарэгістраваны ў 2020 годзе мясцовай жыхаркай Наталляй Астроўскай. 25 ліпеня Вярхоўны суд разгледзеўшы ў апеляцыйным парадку скаргу фонду рашэнне абласнога суда пакінуў без змены. Пасля гэтага арганізацыя страціла статус юрыдычнай асобы.

З ініцыятывы Галоўнага ўпраўлення юстыцыі Віцебскага аблвыканкама Віцебскі абласны суд 21 чэрвеня прыняў рашэнне ліквідаваць грамадскае аб'яднанне "Віцебскае музычнае таварыства". Раней улады ліквідаваны грамадскія арганізацыі культурна-асветніцкай накіраванасці:  цэнтр урбаністычных праектаў і ініцыятыў «Прастора», сацыяльна-культурная ўстанова "Віцебск для мяне", сацыяльна-асветніцкая ўстанова ў галіне гісторыка-культурнай спадчыны «Уновіс-ФОРУМ», прыватная культурна-асветніцкая ўстановы «Лідар новай эпохі» і «Гендарны адказ».

Віцебскі абласны суд 14 чэрвеня прыняў рашэнне ліквідаваць грамадскае аб'яднанне "Полацкі яўрэйскі культурны цэнтр". Без малога 30 гадоў сябры гэтай арганізацыі садзейнічалі развіццю яўрэйскай культуры. Ініцыятарам закрыцця грамадскай арганізацыі стала кіраўніцтва Упраўлення юстыцыі па Віцебскай вобласці. Такім чынам, магчыма, уладамі дадзены старт працэсу разгрому габрэйскага сацыяльна-культурнага асяроддзя на Віцебшчыне.

18 студзеня 2022 году суддзя Віцебскага абласнога суду Вікторыя Лешчанка прыняла рашэнне ліквідаваць два грамадскія аб'яднанні – «Віцебскі жаночы клуб» і «Віцебскае абласное таварыства хворых на гемафілію». Ініцыятарам ліквідацыі грамадскіх арганізацый стала галоўнае ўпраўленне юстыцыі Віцебскага абласнога выканаўчага камітэту. Толькі ў студзені 2022 году ўлады ліквідавалі пяць грамадскіх абʼяднанняў.

12 студзеня 2022 года Віцебскі абласны суд па звароце Упраўлення юстыцыі Віцебскага аблвыканкаму ліквідаваў 5 раней зарэгістраваных грамадскіх аб'яднанняў. Гэта страта для грамадзянскай супольнасці вобласці і краіны. Пад ліквідацыю трапілі спартовы клуб «Віцьбіч», «Таварыства дружбы» Полацк-Фрыдыхсхафен«, Віцебскі дзіцячы хоспіс, «Таварыства пчаляроў-аматараў» і аб’яднане «Шлях з варагаў у грэкі».

8 снежня 2021 году з ініцыятывы ўпраўлення юстыцыі Віцебскага абласнога выканаўчага камітэту Віцебскі абласны суд ліквідаваў дзве некамерцыйныя арганізацыі: «Наваполацк. Чарнобыль-цэнтр» і «Моладзевы культурна-адукацыйны цэнтр «Ростань». Толькі ў другім паўгоддзі 2021 году з ініцыятывы выканаўчых уладаў вобласці былі закрытыя 28 грамадскіх арганізацыяў і некамерцыйных устаноў.

На выкананне прадстаўлення пракуратуры Полацкага раёну мясцовы выканкам прыняў рашэнне аб ліквідацыі Цэнтру інфармацыйна-прававой падтрымкі сацыяльна неабароненых груп насельніцтва «Адвакацыя». Падстава - ажыццяўленне дзейнасці, якая не адпавядала заяўленым у статуце прадмету і мэтам. 

Адміністрацыя Першамайскага раёну Віцебску пачала ліквідацыю сацыяльна-дабрачыннай установы «Свет без сірот». Працэдуру распачалі яшчэ 25 жніўня. Неўзабаве чыноўнікі зробяць справаздачу ў вышэйшыя інстанцыі аб паспяховым закрыцці арганізацыі, якая дапамагала сацыялізавацца самай бяздольнай частцы беларускага грамадства – дзецям-сіротам.

27 жніўня рашэннем №819 Наваполацкі гарвыканкам прыступіў да ліквідацыі культурна-асветніцкай установы «Калюмна». Гэта апошняя ўстанова ў полацкім рэгіёне, якая дапамагала маладым людзям прымяняць свае веды і набываць валанцёрскі досвед у сферы культуры і асветы.