Пра гэта жанчына паведаміла на сваёй старонцы ў “ВКонтакте”. У допісе ўдакладняе, што галадоўку абвесьціла яшчэ 3 траўня падчас прамога эфіру ў вечаровых навінах тэлеканалу “Белсат”.

Віцяблянкі меркавалі далучыцца да галадоўкі-328 трэцяга траўня. Але зьмянілі рашэньне ў апошні момант, калі на падыходзе да будынку Віцебскага гарвыканкаму сутыкнуліся зь не чаканай для іх пільнай увагай з боку людзей у цывільным адзеньні.

Віцебскія маці асуджаных па артыкуле 328 КК РБ (Незаконны абарот наркатычных рэчываў) гатовыя далучыцца да галадоўкі, якую 27 красавіка абвесьцілі ўдзельнікі “Матчынага Руху 328”. Агулам па краіне – у вёсцы Востраў Пухавіцкага раёну, у Калінкавічах і Магілёве – галадае ўжо каля 30 жанчын.

У лютым у Віцебскім СІЗА больш за тыдзень трымаў галадоўку пратэсту былы мытнік з Пастаў Мікалай Куляшоў, на якога завялі справу нібыта за напад на памежніка. Раней Мікалай Куляшоў абвінаваціў двух памежнікаў у кантрабанднай дзейнасьці, але ягоную заяву пакінулі без рэагаваньня.

19 студзеня віцебскі прадпрымальнік Анар Іваноў спыніў шасьцідзённую галадоўку, якую абвясьціў у сувязі з прэтэнзіямі да ЖРЭУ Першамайскага раёну. Пасьля капітальнага рамонту цана арэнды была павялічана ўтрая. Аднак квітанцыя на аплату не зьмяшчала ніякай адзнакі, што грошы пойдуць менавіта на арэнду.