Палітзняволены праваабаронца Леанід Судаленка 26 студзеня 2022 года быў пераведзены ў выпраўленчую калонію №3 «Віцьба». 14 студзеня Гомельскі абласны суд адхіліў апеляцыйную скаргу праваабаронцы і пакінуў прысуд у сіле. Тут ён павінен адбываць пакаранне ў тры гады пазбаўлення волі ва ўмовах агульнага рэжыму.

Апублікавана ў Праваабаронцы

12 студзеня 2022 году на сваёй старонцы ў Facebook юрыст ліквідаванага «Офісу па правах людзей з інваліднасцю» Алег Граблеўскі паведаміў, што паспяхова пакінуў Беларусь і зараз знаходзіцца па-за дасяжнасцю следчых органаў краіны. Дзяржава выставіла супраць яго абвінавачанне паводле артыкулу 209 («Махлярства») за нібыта завалоданне грашыма арганізацыі.

Апублікавана ў Праваабаронцы

Праваабарончы цэнтр «Вясна» падрыхтаваў і запусціў у публічную прастору Аналітычны агляд пра стан з правамі чалавека ў Беларусі ў 2021 годзе. Праваабаронцы далі адзнаку парушэнням грамадскіх і палітычных правоў і свабод у краіне, адзначылі негатыўныя тэндэнцыі, якія мелі быць летась. Частка інфармацыі, выкладзенай у дакладзе, тычыцца і Віцебскага рэгіёну.

Апублікавана ў Праваабаронцы

27 снежня праваабарончыя арганізацыі Беларусі заявілі аб прызнанні васьмі чалавек палітвязнямі. Сярод іх - віцяблянін Аляксандр Васін, асуджаны на 1 год і 6 месяцаў абмежавання волі з накіраваннем у папраўчую ўстанову адкрытага тыпу за абразу супрацоўніка міліцыі. Цяпер ён адбывае пакаранне ў папраўчай установе адкрытага тыпу №55, якая знаходзіцца ў Менску. 

Апублікавана ў Палітвязьні

29 снежня суд Чыгуначнага раёну Гомля прызнаў экстрэмісцкімі матэрыялы тэлеграм-канала «Вясна / Правы чалавека ў Беларусі». Праваабаронцы сачылі за вялікай колькасцю справаў і працэсаў, іх валанцёры заўсёды былі надзейнай крыніцай інфармацыі. Дык што цяпер – «Вясна» ўсё? Пра гэта піша «Наша ніва».

Апублікавана ў Свабода слова

Выйшла з друку «Шэрая кніга», у якой падаецца хроніка парушэнняў правоў чалавека ў Віцебскім рэгіёне са студзеня па снежань 2020 году. Аб’ём кнігі складае 157 старонак, на якіх распавядаецца пра 185 выпадкаў парушэння ўладамі правоў жыхароў вобласці. Аўтары выдання падрыхтавалі таксама электронную версію кнігі, якую размясцілі ў інтэрнэце (спампаваць можна тут), так што азнаёміцца з яе зместам і пры жаданні надрукаваць можа кожны ахвотны.

Апублікавана ў Праваабаронцы

Праваабарончы цэнтр «Вясна» ў гэтым годзе адсвяткаваў 25-годдзе сваёй дзейнасці ў Беларусі. І за сваю мірную праваабарончую дзейнасць цяпер за кратамі знаходзіцца сем «вясноўцаў». Падпішы петыцыю за іх вызваленне!

Апублікавана ў Праваабаронцы

17 верасня распачалася міжнародная кампанія салідарнасці ў падтрымку зняволеных праваабаронцаў «Вясны» - #FreeViasna. Гэтая дата абраная не выпадкова: 17 верасня 2020 году па дарозе дадому з урачыстага ўручэння прэміі імя Яна Карскага была затрыманая прадстаўніца арганізацыі Марфа Рабкова. На працягу году ціск на праваабаронцаў толькі ўзмацняўся: было распачата некалькі крымінальных спраў, праводзіліся шматлікія вобшукі, сябраў «Вясны» затрымлівалі, а некаторых пры гэтым збівалі, выклікалі на допыты нават тых, хто даўно не мае дачынення да дзейнасці арганізацыі.

Апублікавана ў Праваабаронцы

Беларуская праваабарончая супольнасць 1 чэрвеня прызнала палітвязнямі яшчэ 5 чалавек, сярод якіх жыхары Воршы Арцём Кандрацьеў і Сяргей Рудзінскі. Абодва былі асуджаныя на паўтара года абмежавання волі з накіраваннем у папраўчую ўстанову адкрытага тыпу («хімія»). Кандрацьева пакаралі за паклёп (арт. 188 КК), Рудзінскага – за абразу прадстаўніка ўлады (арт. 369 КК).

Апублікавана ў Палітвязьні

Паводле звестак віцебскіх праваабаронцаў, міліцыянты затрымалі каля 25 удзельнікаў мірнага шэсця, прысвечанага памяці беларуса Рамана Бандарэнкі, які быў жорстка збіты невядомымі і памёр у менскім шпіталі. Марш памяці прайшоў у Віцебску 15 лістапада. Удзел у шэсці ўзяла каля 300 віцяблян.

Апублікавана ў Затрыманьні