На канец 2023-га ў Віцебскім рэгіёне працавала 5682 урача-спецыяліста (26,8% мужчыны і 73,2% жанчыны) і 14902 сярэдніх медыцынскіх работнікаў (4,0% мужчыны і 96,0% жанчыны). Аднак на 1 лютага 2024 г. у вобласці было адкрыта 646 вакансій для лекараў-спецыялістаў, г.зн. недахоп медыкаў з вышэйшай адукацыяй адстае ад неабходнай колькасці не менш як на 10%.

Апублікавана ў Дзяржава

За два гады ўзброенага канфлікту ва Украіне ў Віцебскую гарадскую арганізацыю Беларускага Чырвонага Крыжа звярнуліся па гуманітарную дапамогу 446 грамадзян Украіны, якая была аплачана за кошт узносаў грамадзян, прадпрыемстваў і мясцовымі ўладамі. Пра гэта распавяла СМІ яе новая кіраўніца, былая ідэалагіня «Аўтобуснага парка № 1 г. Віцебска, Алеся Косарава.

Апублікавана ў Дзяржава

Суддзя суда Першамайскага раёна Віцебска Аляксандр Ляшковіч 2 траўня за ўхіленне ад мерапрыемстваў прызыву на вайсковую службу прысудзіў да ў межах ч.1 арт.435 КК прысудзіў да пазбаўлення волі з адтэрміноўкай на тэрмін 1 год навучэнца Кірыла Кандрацьева. Таксама суддзя абавязаў маладога чалавека заплаціць у даход дзяржавы крымінальна-прававую кампенсацыю ў памеры 2000 рублёў.

Апублікавана ў Дзяржава

Віцебскія гарадскія актывісты звярнуліся да чыноўнікаў мясцовага выканкама з петыцыяй №5792, у якой паведамляюць аб тым, што «Юбілейны» мост у Віцебску праз раку Віцьба знаходзіцца ў небяспечным тэхнічным стане і патрабуюць ад уладаў у найкарацейшыя тэрміны выканаць яго капітальны рамонт. Зварот да ўладаў пакуль падпісала 19 гараджан.

Апублікавана ў Дзяржава

Жыхары Віцебска выкарыстоўваючы Інтэрнэт-сэрвіс «Зручны горад» стварылі петыцыю №5553, у якой просяць гарадскія ўлады ліквідаваць праблемы, якія ўзніклі ў працы грамадскага транспарту. У цяперашні час зварот падпісала 58 жыхароў горада.

Апублікавана ў Дзяржава

Напрыканцы 2022г., абвясціўшы грамадскае абмеркаванне праекта «Генеральны план г.Віцебска», чыноўнікі нечакана пагадзіліся з прэтэнзіямі віцяблян, што да аблічча Плошчы Перамогі. Галоўны архітэктар праекта Алена Дзяміда заявіла, што «самая вялікая плошча ў Беларусі абсалютна неарганізавана, знаходзіцца на ёй некамфортна. Хацелася б, каб аблічча плошчы змянілася. Калі там з’явіцца сквер – цудоўна». Спадарыня практычна слова ў слова паўтарыла прэтэнзіі большасці гараджанаў, якія пратэставалі супраць вынішчэння сквера на гэтай плошчы ў 2009г. і дагэтуль не даруюць уладам тое, што зялёная выспа ў цэнтры Віцебска ператварылася ў некалькі гектараў забрукаванай пустэчы.

Апублікавана ў Дзяржава

Сямʼі 16-гадовага Іллі Карозы ў Віцебску далі кватэру, дзяцей уладкавалі ў школу і ў дзіцячы садок, а бацькоў – на працу. Дарослыя атрымалі беларускія пашпарты, прычым працэдура атрымання беларускага грамадзянства заняла рэкордна малы тэрмін – усяго 3 тыдні. Усё гэта сталася наступствам скандалу, звязанага з інтэрв’ю падчас «Славянскага базару»: выхаванец дзіцячай акадэміі радыё і тэлебачання KidsTV Ілля Кароза ўзяў інтэрв’ю ў Аляксандра Лукашэнкі, нягледзячы на рэкамендацыі МЗС Латвіі ўстрымацца да наведвання беларускага праўладнага музычнага форуму. Пазней Дзяржслужба якасці адукацыі Латвіі паведаміла, што Academy KidsTV вядзе навучанне без законных падстаў – без акрэдытацыі ад Міністэрства адукацыі і ліцэнзіі ад Рыжскай думы, і з тае прычыны будзе зачынена.

Апублікавана ў Мігранты

23 жніўня распачаўся дэмантаж помніка савецкім салдатам у рыжскім парку Перамогі. Рашэнне пра знос было прынятае Думай гораду Рыгі яшчэ 13-га траўня. А праз тры дні віцебскія прадстаўнікі ЛДПБ, «Белай Русі» і БРСМ на знак пратэсту зладзілі несанкцыянаваны пікет каля консульства Латвіі. Удзельнікаў несанкцыянаваная масавай акцыі, якія паводзілі сябе агрэсіўна і заміналі руху мінакоў, віцебская міліцыя «не заўважыла»- ніхто не быў пакараны за парушэнне заканадаўства аб масавых мерапрыемствах. Насупраць, рыжская паліцыя затрымала некалькі чалавек з ліку мясцовых прыхільнікаў «русского мира», якія выйшлі пратэставаць супраць дэмантажу помніка.

Апублікавана ў Акцыі

16 траўня ў Віцебску некалькі чалавек ва ўзросце 30-35 гадоў замацавалі на плоце латышскага консульства банэр з выявай помніка савецкім салдатам, які плануюць знесці ў Рызе. Пасля запалілі знічкі на ходніках, расклалі кветкі, а таксама пачалі раздаваць кветкі мінакам, каб тыя дзейнічалі па іхным прыкладзе.

Апублікавана ў Рознае

Вядома прынамсі пра тры выпадкі, калі ранкам 14 траўня супрацоўнікі МУС шукалі ў жыхароў Віцебску «экстрэмісцкія матэрыялы». Праваабаронцы паведамляюць, што ператрусы праходзілі і ў менскіх валанцёраў, якія збіралі подпісы за вылучэнне Віктара Бабарыкі ў кандыдаты на ўдзел у мінулых прэзідэнцкіх выбарах.