Пасля ўдзелу ў праграме «Белсата» Аляксандра Корнышава ў яго бацькоў правялі ператрус
Аляксандр Корнышаў — рэдактар інтэрнэт-выдання «Витебский курьер news». Ён з’ехаў з Беларусі ў 2020‑м, а сёлета на пачатку лютага ў праграме «Беларус беларусу» на тэлеканале «Белсат» Аляксандр распавёў пра тое, што падчас вымушанай эміграцыі ў яго з’явіліся праблемы са здароўем — у яго выявілі некроз тазабедраных суставаў, таму неабходныя дзве аперацыі па замене суставаў і доўгая рэабілітацыя. Пасля выхаду перадачы ў эфір у хату да бацькоў Корнышава пачалі рэгулярна наведвацца міліцыянты і следчыя. Пра гэта піша “БАЖ”.
Палітзняволеную, ураджэнку Докшыччыны Аксану Ючкавіч асудзілі да трох гадоў «хатняй хіміі»
Да моманту вынясення выраку ў судзе Фрунзенскага раёна Мінска, каталіцкая актывістка тры месяцы адбыла за кратамі. Паводле рашэння суддзі Юліі Крэпскай, 34-гадовую Аксану Ючкавіч вызвалілі з-пад варты ў залі суду, прызнаўшы вінаватай паводле арт. 342 Крымінальнага кодэкса (Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх).
У Мінску завочна судзяць пастаўскага прадпрымальніка Ігара Парункевіча
Працэс у Мінскім абласным судзе ў парадку спецыяльнай выьворчасці распачаўся 18 красавіка. Супраць 29-гадовага пастаўчаніна спачатку распачалі крымінальную справу па трох артыкулах Крымінальнага кодэкса — аб распальванні варожасці, абразе Лукашэнкі і гвалце або пагрозе прымянення гвалту ў дачыненні да міліцыянта (артыкулы 130, 368 і 364 Крымінальнага Кодэкса). У раскладзе судовых паседжанняў цяпер фігуруе яшчэ адзін асртыкул – ч.2 арт.361-4 (садзеянне экстрэмісцкай дзейнасці).
Віцябляніна Дзмітрыя Палякова, асуджанага за абразу супрацоўнікаў міліцыі, МУС уключыла ў «экстрэмісцкі спіс»
16 красавіка Віцебскі абласны суд разбіраў яго апеляцыйную скаргу. Вынік не вядомы, але, паводле «Пераліку грамадзян Беларусі, замежных грамадзян або асобаў без грамадзянства, датычных да экстрэмісцкай дзейнасці», Дзмітрый Палякоў ужо адбывае пакаранне.
Жыхара Лужасна асудзілі да 1 года і 1 месяца калоніі за абразу Лукашэнкі
Абразай суд Віцебскага раёна палічыў рэпост у «Одноклассниках» карцінкі з выявай Лукашэнкі і выказваннямі, якія былі расцэнены як «негатыўныя». Паводле прысуду суддзі Міхаіла Зубені, жыхар вёскі Лужасна Сяргей Мельнікаў «публічна, у непрыстойнай форме абразіў прэзідэнта». Суд адбыўся 28 сакавіка, рэпост, за які асудзілі мужчыну, быў зроблены 19 чэрвеня 2023г. Цяпер ён мусіць кампенсаваць выдаткі за паслугі абаронцы ў суме 44 рублі, а таксама суд пастанаваў канфіскаваць у Мельнікава мабільны тэлефон і пакінуць пад арыштам сістэмны блок кампутара, забраны падчас ператруса ў жытле асуджанага.
Віцебску будуць судзіць медыка-антываксёра?
Работніца медустановы знішчыла 4,5 тыс. доз вакцыны супраць COVID-19 на 52,5 тыс. рублёў. Таму пракуратура Віцебскай вобласці накіравала крымінальную справу ў суд па ч.3 арт.218 КК (Наўмыснае знішчэнне або пашкоджанне чужой маёмасці) у рамках якой жанчыне пагражае пакаранне ў выглядзе пазбаўлення волі на тэрмін ад сямі да дванаццаці гадоў.
Улады працягвае пераследаваць глыбоцкага журналіста і ягоных блізкіх сваякоў
У Глыбокім (Віцебская вобласць) журналіста Дзмітрыя Лупача і ягоных дзяцей без рашэння суда ўлады публічна абвясцілі «злачынцамі». На міліцэйскім стэндзе паведамляе, што журналіст «уцёк ад следства», і настойвае на тым, што ён здзейсніў злачынства ў межах арт. 361-4 КК («Вярбоўка, іншае ўцягванне асобы ў экстрэмісцкую дзейнасць, навучанне, а роўна іншае садзейнічанне экстрэмісцкай дзейнасці»).
Браў хабар і краў. У суд Докшыцкага раёна перададзена справа інжынера дзяржустановы
Пракуратура Віцебскай вобласці накіравала ў суд Докшыцкага раёна крымінальную справу па абвінавачанні работніка адной з дзяржаўных устаноў у атрыманні незаконных узнагарод і выкраданні маёмасці. Пра гэта паведамілі ў службе інфармацыі пракуратуры Віцебскай вобласці.
«Ухіліст» ад службы ў войску пакараны ўладамі хатняй «хіміяй»
Суддзя суда Аршанскага раёна і г.Оршы Юлія Хаткевіч 18 сакавіка за Ухіленне ад мерапрыемстваў прызыву на вайсковую службу (ч. 1 арт. 435 КК РБ) прызнала вінаватым Яна Маскалёва і прызначыла яму пакаранне ў выглядзе абмежавання волі без накіравання ў папраўчую ўстанову адкрытага тыпу тэрмінам на 1 год 6 месяцаў.
Следчы камітэт пачаў "спецвытворчасць" супраць Людмілы Барэйкі, якая прыдумала лозунг «Стоп таракан»
Спадарыні Людміле 62 гады, яна паходзіць з Глыбокага, але ўжо некалькі год вымушана жыве за мяжой. Следчыя распачалі супраць яе «спецвытворчасць» - юрыдычную працэдуру, паводле якой чалавека, якога няма ў Беларусі, можна судзіць завочна. Жанчыну вінавацяць паводле арт.188 Крымінальнага Кодэкса (Паклёп). Санкцыі артыкула прадугледжваюць абмежаванне або пазбаўленне волі на тэрмін да трох гадоў.