Пачалі штрафаваць удзельнікаў пікету каля полацкай Сафіі – ужо на 1620 рублёў
У Полацку і Наваполацку праходзяць суды над удзельнікамі акцыі за незалежнасьць Беларусі. 4-га студзеня паўтара дзясятка актывістаў сфатаграфаваліся каля Сафійскага сабору, склаўшы з раздрукаваных на паперы літар слова «Незалежнасьць». Некалькі чалавек трымалі бел-чырвона-белыя сьцягі, паведамляе Беларускае Радыё Рацыя.
Яшчэ 1485 рублёў штрафаў. У Віцебску працягваюцца суды над абаронцамі незалежнасьці
24 студзеня ў Віцебску адбыліся два адміністрацыйныя працэсы над удзельнікамі акцый у падтрымку незалежнасьці Беларусі. Суд Чыгуначнага раёну на 25 базавых велічынь аштрафаваў віцябляніна Аляксандра Якушкова, а Віцебскі раённы суд пакараў штрафам у памеры 30 базавых Алену Янушкоўскую.
Судзьдзя Цыганкова разгледзела справу Алены Янушкоўскай за 5 хвілін: штраф – 675 рублёў
Крыху больш за 5 хвілін доўжыўся суд над актывісткай і блогеркай Аленай Янушкоўскай, якую вінавацілі ў парушэньні заканадаўства аб масавых мерапрыемствах (ч.1 арт. 23.34 КаАП). Суд Чыгуначнага раёну 21 студзеня прызнаў яе вінаватай і ў «хуткасным рэжыме» пакараў штрафам у памеры 25 базавых велічынь (675 рублёў).
Блогер «Шэры кот» мусіць правесьці за кратамі ўжо не 45 сутак, а 60
Паводле зьвестак праваабаронцы Паўла Левінава, відэаблогер Дзьмітрый Казлоў, вядомы як «Шэры Кот», ужо тройчы асуджаны за кратамі паводле ч.3 арт.23.34 КаАП. Але 13 студзеня яго асудзілі на 15 сутак чацьвёрты раз. Такім чынам, за кратамі «Шэры Кот» мусіць адбыць 60 сутак, піша Беларускае Радыё Рацыя.
100 базавых на дваіх: Качурэц і Кійко пакараныя за сьнежаньскі пікет штрафамі
Суд Чыгуначнага раёну Віцебску працягнуў разгляд адміністрацыйных справаў, распачатых супраць удзельнікаў пікету на плошчы Перамогі. 17 студзеня судзьдзя Юры Урбан аштрафаваў віцяблян Уладзімера Кійко і Міколу Качурца на 1350 рублёў кожнага.
Чарговыя штрафы за пікет на плошчы Перамогі: Трошчанка – 24 базавыя, Мазкоў – 22
Суд Чыгуначнага раёну Віцебску пакараў 16 студзеня яшчэ двух удзельнікаў пікету, які адбыўся ў Віцебску 29 сьнежня 2019 году. Натальля Трошчанка аштрафаваная на 24 базавыя велічыні, Юры Мазкоў – на 22 базавыя. Нагадаем, днём раней суд аштрафаваў на 25 базавых велічынь Алега Паўлава.
Суды за сьнежаньскі пікет у Віцебску: Паўлаву – 25 базавых, Прохараў – «на дапрацоўцы»
У Віцебску пачаліся суды над удзельнікамі сьнежаньскага пікету на плошчы Перамогі ў Віцебску. Справы пікетоўцаў, якія выказаліся ў падтрымку незалежнасьці краіны, разглядаюцца ў судзе Чыгуначнага раёну Віцебску. 15 студзеня штрафам пакаралі віцябляніна Алега Паўлава, справу яшчэ аднаго ўдзельніка акцыі – Аляксея Прохарава, накіравалі на дапрацоўку.
«Хутка не чакайце!..» Блогеру «Шэраму Кату» дадалі яшчэ 15 сутак
Блогера Дзьмітрыя Казлова (Шэры Кот) 13 студзеня зноў асудзілі на 15 сутак. На суд у Воршы яго прывозілі зь мясцовага ізалятара часовага ўтрыманьня (ІЧУ), дзе ён адбывае папярэднія пакараньні, паведамляе Беларускае Радыё РАЦЫЯ.
Блогеру Дуброўскіх прысудзілі 810 рублёў штрафу за ўдзел у менскіх акцыях
Суд Кастрычніцкага раёну Віцебску аштрафаваў віцябляніна Аляксандра Дуброўскіх на 30 базавых велічынь за ўдзел у акцыі супраць інтэграцыі з Расеяй, якая праходзіла ў Менску 20 сьнежня 2019 году. У якасьці адзінага доказу вінаватасьці віцябляніна міліцыянты прад’явілі ролік са стрыму «Радыё Свабода».
Яшчэ адзін суд за публікацыю ў Facebook адбудзецца ў Віцебску
На віцяблянку Натальлю Сьпірыдонаву склалі адміністрацыйны пратакол за публікацыю ў Фэйсбуку анонса акцыі ў падтрымку незалежнасьці, якая адбылася ў Віцебску 29 сьнежня. Міліцыянты палічылі гэта заклікам да правядзеньня несанкцыянаванага масавага мерапрыемства (ч.1 арт. 23.34 КаАП).