«Усяго 4 пастановы па 15 сутак за ўдзел у акцыях у Менску і заклiкi ў сацыяльных сетках – ад 25 сьнежня на акцыю 29 сьнежня. Яшчэ – на 27 студзеня позва ў суд Ленiнскага раёну Менску», – паведамляе выданьне.
«На суды «Шэрага Ката» вывозяць зь ІЧУ. Блогер сказаў, каб чакалi на волi ня хутка – «на майскiя», прасiў перадаць канвэрты, аднаразовыя станкi для галеньня i сшытак з асадкай, каб пiсаць»
«Усяго ў Дзьмітрыя Казлова зараз 6 «жывых» пратаколаў. Абскарджваць рашэньні ён не плянуе – удзел у мірных сходах на судах прызнае, распаўсюд інфармацыі, важнай для грамадзтва ў сацыяльных сетках – таксама», – піша Радыё РАЦЫЯ.
Нагадаем, 2020 год Шэры Кот сустрэў за кратамі, бо быў асуджаны 26-га сьнежня за ўдзел у акцыі ў абарону Незалежнасьці на 15 сутак. У студзені відэаблогер Шэры Кот быў зноў асуджаны на 15 сутак.