У Сянно эканомяць на вулічным асьвятленьні?
Чытач charter97.org распавёў аб праблемах зь ліхтарамі ў яго горадзе: «У горадзе Сянно Віцебскай вобласьці адключанае вулічнае асьвятленьне амаль на ўсю ноч. Кіраўніцтва раёну спасылаецца на брак грошай. Кажуць, што яны такім чынам спрабуюць на жыхарах раёну зэканоміць грошы. Бо старшыня райвыканкаму і дырэктар ЖКГ нядаўна разьбілі новыя машыны, якія неабходна рамантаваць», – піша чытач.
На віцебскага праваабаронцу за зварот у міліцыю была заведзеная справа
Гэта вынікае з адказу, атрыманага Паўлам Левінавым з Кастрычніцкага РАУС Віцебску. Праваабаронца напісаў заяву з просьбай разабрацца наконт фактаў распаўсюду ў абласным цэнтры савецкіх сьцяжкоў. Вынікі праверкі аказаліся, мякка кажучы, дзіўнымі, кажа Левінаў.
У Віцебску за незаконны абарот наркотыкаў асуджаны былы сьледчы міжраённага аддзелу Сьледчага камітэту
Судом Чыгуначнага раёну Віцебску 13 красавіка быў вынесены прысуд у дачыненьні да былога сьледчага міжраённага аддзелу Сьледчага камітэту, які абвінавачваўся ва ўчыненьні злачынстваў, прадугледжаных часткай 3 артыкулу 328 Крымінальнага кодэксу.
Уладам Віцебску недастаткова 4,75 мэтру ходнікаў, каб зрабіць роварныя дарожкі
“Ня хочуць і ня могуць”, - да такой высновы прыйшла каардынатарка аргкамітэту па стварэньні партыі “Беларуская хрысьціянская дэмакратыя” Тацьцяна Севярынец, калі атрымала ліст з аддзелу архітэктуры і горадабудаўніцтва на свой электронны зварот у Віцебскі гарвыканкам наконт дарожак для ровараў.
Кіраўнік ЛДП Віцебшчыны: На выбары трэба хадзіць не за грошы!
На будучых прэзыдэнцкіх выбарах рэальную канкурэнцыю цяперашняму кіраўніку дзяржавы можа скласьці толькі лідэр Лібэральна-дэмакратычнай партыі Сяргей Гайдукевіч, перакананы старшыня партыі па Віцебскай вобласьці Сяргей Ярмыкін. Сяргей Уладзімеравіч ласкава пагадзіўся даць адказы на пытаньні карэспандэнта «Дыялёгу».
Актывістам Віцебску перашкодзілі ўсталяваць крыжы на месцы разрабаваных масавых пахаваньняў пад вёскай Хайсы
16 красавіка напярэдадні Радаўніцы на месцы меркаваных масавых забойстваў сталінскімі катамі беларускіх грамадзян у 1937-38 гадох у лесе пад вёскай Хайсы актывіст КХП-БНФ Ян Дзяржаўцаў са сваімі аднадумцамі меў намер прыбраць тэрыторыю і ўсталяваць ва ўшанаваньне памяці ахвяраў рэжыму крыжы. Зьдзейсьніць задуму перашкодзілі прадстаўнікі мясцовай улады і праваахоўных органаў.
Мост-даўгабуд у Воршы ад кіраўніка краіны схавалі
Неанансаваны велікодны прыезд Аляксандра Лукашэнкі ў Воршу на ўвесь дзень спаралізаваў жыцьцё 150-тысячнага гораду. Ад раніцы ў нядзелю цэнтральныя вуліцы былі перакрытыя для руху транспарту, сюды-туды гойсалі толькі машыны ДАІ і супрацоўнікаў спэцслужбаў. На кожным скрыжаваньні дзяжурылі міліцыянты ў форме і цывільным, якія не выпускалі аўтамабілі з двароў. Добранадзейных вернікаў згрупавалі ля царквы Раства Прасьвятой Багародзіцы за некалькі гадзін да прыезду высокага госьця.
У Глыбокім зьбіралі подпісы за гістарычныя назвы вуліц
У Глыбокім людзі просяць згадаць на шыльдах гістарычныя назвы вуліц. За гэты сабрана каля шасьці дзясяткаў подпісаў жыхароў гораду. Подпісы перадалі ў глыбоцкі раённы Савет дэпутатаў. Разам з подпісамі быў перададзены і ўзор шыльды, якую распрацавалі прадстаўнікі грамадзкасьці Глыбокага.
Віцебск застаўся без «ідэалягічнага кіраўніка»
У гарвыканкаме адбыліся зьмены, пра якія чыноўнікі чамусьці ня лічаць патрэбным паведамляць жыхарам Віцебску. Зь пераліку намесьнікаў старшыні гарвыканкаму зьнікла прозьвішча Ўладзімера Шломы, які займаўся пытаньнямі адукацыі, спорту, турызму, ідэалёгіі, культуры, справамі моладзі. І запомніўся нэгатыўным стаўленьнем да дэмакратычных актывістаў.
У Віцебскай вобласьці часьцей за ўсё на хабарах пападаюцца лекары
Гэтая тэндэнцыя назіраецца ня першы год і звычайна вядзецца пра атрыманьне хабараў за незаконнае афармленьне бальнічных лістоў. У 2014 годзе за такія дзеяньні асуджаныя лекар-хірург паліклінікі № 4 у Воршы, лекар-тэрапэўт Талачынскай ЦРБ, лекар-нэўроляг Дубровенскай ЦРБ. Працягваецца расьсьледаваньне крымінальных спраў па фактах атрыманьня хабараў лекарам Наваполацкай гарадзкой паліклінікі № 1, загадчыкам аднаго з аддзяленьняў Дубровенскай ЦРБ.