Пісьменнік з Лёзненшчыны прапануе ўсталяваць «памятник русскому языку»
На думку Генадзя Пацыенкі, чальца Саюза пісьменнікаў Беларусі, Саюза пісьменнікаў Расіі і ганаровага грамадзяніна Лёзненскага раёна, «вряд ли есть где-либо ещё народ, который имел бы такой язык как русский». Таму, на думку 87-гадовага пісьменніка, ураджэнца вёскі Зубакі Лёзненскага раёна, «начало могла бы положить казна Союзного государства, а там посыпались бы, потекли бы пожертвования».
Інтэрнэт-рэсурсы Orsha.eu прызналі экстрэмісцкім фармаваннем
«Забаронена дзейнасць на тэрыторыі Беларусі групы грамадзян, аб'яднаных пад назвай «Orsha.eu» на ўсіх інтэрнэт платформах», — напісаў 28 ліпеня Telegram-канал «Книга ГУ «База», не спасылаючыся на канкрэтнае рашэнне МУС. Паводле аўтараў канала, у «экстрэмісты» аршанскі партал і звязаныя з ім сацсеткі трапілі «за арганізацыю дзейнасці па падрыхтоўцы здзяйснення замахаў на суверэнітэт і грамадскую бяспеку Рэспублікі Беларусь, дыскрэдытацыю і абразы службовых асоб».
На гэтым тыдні ў судах Віцебшчыны ўжо анансаваны 7 «экстрэмісцкіх» адміністрацыйных справаў
Жыхароў вобласці паводле ч.2 арт. 19.11 КаАП судзяць у Чашніцкім, Докшыцкім і Віцебскім раёнах, а таксама ў судах Кастрычніцкага і Першамайскага раёнаў Віцебска. Такія звесткі пазначаны ў судовых раскладах. Але інфармацыя пра суды па гэтым артыкуле можа быць няпоўнай, бо іх часта не ўключаюць у расклад. Распавядаем, што вядома пра людзей, якіх гэтымі днямі судзяць за падпіскі, рэпосты і "лайкі".
Дык фэйкі або дыскрэдытацыя? Віцяблян палохаюць і заблытваюць у пытаннях заканадаўства
У газеце «Витебские вести» выйшаў артыкул «Какие наказания предусмотрены за размещение фейков в интернете?» Спасылаючыся на тлумачэнні прадстаўніка абласной пракуратуры Сяргея Селіханава, журналіст Яўген Карпас па-свойму трактуе палажэнні Крымінальнага Кодэкса РБ. І таму замест «юрыдычнага лікбезу» на сайце выдання з'явіўся тэкст, асноўная мэта якога – запалохаць чытачоў.
Дзеля ўсталявання флагштока з дзяржаўным сцягам у Оршы знішчаюць дрэвы
Трэнд на ўсталяванне канструкцый пад вялізны дзяржаўны сцяг дайшоў і да Оршы. Прычым падобна, што адным флагштокам справа не абыйдзецца: у парку каля аршанскага Кургана Славы ўжо спілавалі некалькі ліп. Найверагодней, што пад ідэю з флаштокам тут абсталююць цэлую пляцоўку за бюджэтныя грошы. Прынамсі, у Віцебску зрабілі менавіта так.
Былога супрацоўніка Верхнядзвінскага райвыканкама прызналі палітвязнем
Адпаведную заяву аб прызнанні палітычнымі зняволенымі Аляксея Кісялёва і яшчэ 6-ці чалавек беларуская праваабарончая супольнасць агучыла 22 жніўня. 28 жніўня яго крымінальную справу пачнуць разглядаць у Віцебскім абласным судзе. 34-гадовага інспектара сектара спорту і турызму Верхнядзвінскага райвыканкама вінавацяць паводле ч. 1 арт. 361-4 КК (садзейнічанне экстрэмісцкай дзейнасці) і арт. 361-5 КК (праходжанне навучання ці іншай падрыхтоўкі для ўдзелу ў экстрэмісцкай дзейнасці).
Асуджаныя за перадачу інфармацыі з судоў
23 жніўня ў Вярхоўным судзе ( суддзя Ігар Любавіцкі) разглядаліся скаргі па справе глыбоцкага трэнера і бодзібілдара Аляксандра Шарабайкі і пастаўчан Дзяніса Цыбульскага і Андрэя Стабулянца. Сёлета ў траўні-чэрвені крымінальную справу Шарабайкі, Цыбульскага і Стабулянца разбіралі ў Віцебскім абласным судзе. У залежнасці ад ролі кожнага, мужчын прызналі вінаватымі паводле арт. 368 КК(абраза Лукашэнкі), ч. 1 арт. 369 КК (абраза прадстаўніка ўлады) і ч.3 арт. 361-1 КК (удзел у экстрэмісцкім фармаванні). Справу ў закрытым рэжыме разглядаў суддзя Яўген Буруноў. Распавядаем, што вядома пра яе сутнасць.
МУС уключыў у «спіс экстрэмістаў» яшчэ двух жыхароў Віцебшчыны
Гэта 32-гадовы Дзмітрый Васюковіч, ураджэнец Докшыцаў, і 47-гадовы аршанец Сяргей Гняўко. Абодвух нядаўна асудзілі за абразу Аляксандра Лукашэнкі. Прычым для Сяргея Гняўко гэта быў ужо другі раз, калі яго пакаралі павдле арт. 368 Крымінальнага Кодэкса. Расказваем, што яшчэ вядома пра новых «экстрэмістаў».
Рэдактар глыбоцкай «раёнкі» зноў накінуўся на недзяржаўныя інтэрнэт-рэсурсы, палітэмігрантаў і Украіну
Чарговы опус Андрэя Панкрата выйшаў на сайце «Глыбоцкага весніка». Гэтым разам галоўны рэдактар прыгадаў навіну пра тое, што ў Курскай вобласці быў заўважаны танк з узнятым бел-чырвона-белым сцягам. І заявіў, што «вся эта шумиха больше отражает иное: скудность положительных новостей как на украинских фронтах, так и в стане беглых предателей, у которых не осталось ничего, кроме подающей руки дядюшки Сэма». Прычым гэта адно з самых лагодных выказванняў прапагандыста на адрас сваіх апанентаў.
Фонд Аляксея Талая збіраў у Полацку гуманітарную дапамогу для жыхароў Курскай вобласці
Полацк і Курск – гарады-пабрацімы. І таму збор дапамогі быў не столькі дабрачынным, колькі афіцыёзным: у ім узялі ўдзел і мясцовыя ўлады, і полацкія прадстаўнікі ГА «Белая Русь», і кіраўнікі прафсаюзных структур. Каб гэта абавязкова было заўважана і ўлічана, на месца збору яны прыйшлі у «спецадзенні» - у майках і шаліках з лагатыпамі. Кожная каробка гуманітарнага грузу таксама была пазначана сімволікай адпраўнікаў і мела суправаджальныя надпісы.