Камітэт па правох чалавека ААН: Беларусь парушыла правы віцебскіх актывістаў
Камітэт ААН па правох чалавека на 111-й сэсіі разгледзеў скаргі двух віцебчукоў. Вэрдыкт, вынесены камітэтам: Рэспубліка Беларусь парушыла правы Ігара Базарава і Валера Аляксандрава, пакараўшы іх пяць гадоў таму штрафамі за ўдзел у несанкцыянаваным вулічным шэсьці. Паводле камітэту, улады парушылі частку 2 артыкулу 19 Міжнароднага пакту аб грамадзянскіх і палітычных правох (права на свабоднае выказваньне свайго меркаваньня), а ў адносінах да Базарава быў парушаны яшчэ і артыкул 21 пакту (права на мірныя сходы).
Начальнік аддзелу МНС «супакоіў» праваабаронцу
Віцебскі праваабаронца Леанід Сьвецік зьвярнуўся ў гарвыканкам з заявай, у якой прасіў паведаміць яму адрас найбліжэйшага бомбасховішча. «Гэтая інфармацыя патрэбная мне для забесьпячэньня абароны жыцьця і здароўя членаў маёй сям’і, а таксама жыхароў дому, у выпадку і пад час надзвычайнай сытуацыі», – напісаў ён у сваёй заяве. Адказ, які прыйшоў за подпісам в.а. начальніка гарадзкога аддзелу па надзвычайных сытуацыях установы «Віцебскае абласное ўпраўленьне МНС» М.П. Дука, вельмі зьдзівіў праваабаронцу…
У Віцебску – чарговая забарона пікетаў. Рыхтуецца чарговы зварот у суд
Сябру КХП БНФ Яну Дзяржаўцаву зноў адмовілі ў правядзеньні двух пікетаў салідарнасьці з Украінай. Гэта ўжо другая забарона акцыяў аднолькавай тэматыкі, і актывіст хоча прыцягнуць да адказнасьці прадстаўнікоў арганізацыяў, якія мусяць займацца “абслугоўваньнем акцыяў”.
Палітвязьня Ігара Аліневіча пагражаюць перавесьці з калёніі ў «крытую» турму
Кіраўніцтва папраўчай калёніі «Віцьба-3» выказала пагрозу перавесьці палітвязьня на камэрнае ўтрыманьне. «На канец верасьня было заплянаванае нашае спатканьне з сынам, аднак за пару дзён нам патэлефанавалі з адміністрацыі «Віцьбы-3» і паведамілі, што спатканьне пераносіцца на нявызначаны тэрмін, паколькі Ігара за дысцыплінарнае парушэньне пакаралі дзесяцьцю днямі штрафнога ізалятару, - сказала маці Ігара Валянціна. - Празь дзесяць дзён мы даведаліся, што за першым ШІЗА быў і другі, а за другім – трэці».
Падчас падрыхтоўкі да «Дажынак» гарадоцкія чыноўнікі стварылі міні-палігон адходаў каля могілак
“Дзіўнае” відовішча створана мясцовымі чыноўнікамі каля Іванаўскага могілак у Гарадку. Дзясяткі машын будаўнічага сьмецьця было выкінута за апошнія месяцы паміж прыпынкам для аўтамашын і старой тэрыторыяй могілак. Пры гэтым сьмецьце апынуўся не толькі цьвёрдым, але і рэшткамі пенапласту для уцяпленьня будынкаў.
Больш за 15% арганізацыяў Віцебскай вобласьці зьяўляюцца стратнымі
За студзень-жнівень 2014 году ў Віцебскай вобласьці стратнымі былі 160 арганізацый, або 15,2% ад агульнай колькасьці арганізацыяў (за аналягічны пэрыяд 2013 году - 9,1%). Сума чыстай страты стратных арганізацыяў за восем месяцаў бягучага году склала 781,3 млрд рублёў, або на 17,9% больш, чымся за студзень-жнівень мінулага году, паведамляе Нацыянальны статыстычны камітэт.
Апытаньні сьведчаць пра нізкі ўзровень прававых ведаў жыхароў Чашніцкага раёну
На афіцыйным сайце Чашніцкага райвыканкаму разьмешчаны шэраг апытаньняў пра тое, ці стае насельніцтву прававых ведаў, і ці ўмеюць яны іх выкарыстоўваць. Адказы пераважна адмоўныя. Як паказвае статыстыка на сайце, у апытаньнях узяла ўдзел невялікая колькасьць людзей. Але падсумаваныя вынікі сьведчаць пра недастатковасьць прававых ведаў.
Улады адрэагавалі на калектыўны зварот жыхароў Воршы-Заходняй
У Воршы-Заходняй прайшла сустрэча жыхароў з прадстаўнікамі ўлады. Ад райвыканкаму Заходнюю наведаў першы намесьнік старшыні Сяргей Пац, а таксама прадстаўнікі аддзелу эканомікі і аддзелу гандлю. Паводле слоў жыхароў, чыноўнікі такога ўзроўню сустракаліся зь людзьмі ў раёне або вельмі даўно, або наогул ніколі. У агульнай складанасьці прыйшлі ў двор дому №5 па вуліцы Чырвонагвардзейскай, які ў гэты дзень стаў пляцоўкай дыялёгу з уладай, каля 70 чалавек. Асноўная тэма сустрэчы - магчымасьць будаўніцтва ў раёне паўнавартаснага гандлёвага цэнтру.
Пракуратура рэкамэндуе прадпрыемствам ЖКГ Віцебскай вобласьці зьвярнуць увагу на аварыйныя гаўбцы
Стан гаўбцоў, падстрэшкаў і іншых элемэнтаў жылых дамоў у Віцебскай вобласьці часьцяком не адказвае патрабаваньням заканадаўства. Пра гэта паведаміла пракурор аддзелу па наглядзе за выкананьнем заканадаўства і законнасьці прававых актаў пракуратуры Віцебскай вобласьці Марына Рыжова.
Падаткавікі Віцебшчыны змагаюцца супраць заробкаў у «капэртах»
Падатковыя органы Віцебскай вобласьці за 9 месяцаў бягучага году падчас правядзеньня кантрольных мерапрыемстваў выявілі 56 суб’ектаў прадпрымальніцкай дзейнасьці, якія выплацілі заработную плату без адлюстраваньня ў рэгістрах бухгальтарскага ўліку (у “капэртах”). Пра гэта паведамілі ў прэс-цэнтры інспэкцыі МПЗ па Віцебскай вобласьці. Па выніках праверак у бюджэт даналічана больш за Br280 млн, у тым ліку Br136,5 млн падаходнага падатку.