Уладзіміра Мартава судзілі і кінулі за краты на 7 сутак
Доктару Уладзіміру Мартаву, затрыманаму на лецішчы пад Лепелем, прысудзілі 7 сутак адміністратыўнага арышту. Яго прызналі вінаватым у парушэнні заканадаўства аб масавых мерапрыемствах. Пра гэта паведаміла ў Фэйсбуку журналістка Таццяна Матвеева са спасылкаю на жонку медыка Алену.
Алеся Круткіна пасьля 30 сутак арышту ня вызвалілі – прысудзілі яшчэ 15 сутак у Лепелі
26 лютага на волю зь віцебскага ІЧУ пасьля 30 сутак арышту павінен быў выйсьці полацкі актывіст Алесь Круткін, але яго ня вызвалілі. Паводле інфармацыі, атрыманай ад начальніка ізалятару, Круткіна яшчэ ў першай палове дня адвезьлі ў Лепельскі РАУС для складаньня чарговага адміністрацыйнага пратаколу.
Лепельскіх баптыстаў пакаралі за распаўсюд духоўнай літаратуры
У Лепелі за сьпевы і распаўсюд хрысьціянскай літаратуры каля мясцовага рынку былі затрыманыя баптысцкія вернікі – сужэнцы Андрэй і Тацяна Фокіны. «Нас затрымалі як злачынцаў і даставілі ў пастарунак», – распавёў Forum 18 Андрэй Фокін.
За сьпевы і пропаведзі. У Лепелі жорстка затрымліваюць і штрафуюць баптыстаў
Вернікі міжнароднага саюзу цэркваў эвангельскіх хрысьціян-баптыстаў (МСЦ ЭХБ) у Лепелі церпяць апошнім часам моцны ўціск і перасьлед з боку мясцовых уладаў. Прапаведнікаў затрымліваюць за парушэньне заканадаўства аб масавых мерапрыемствах (арт. 23.34 КаАП РБ) і караюць штрафамі. Баптысты адступаць не зьбіраюцца.
Біскуп Віцебскі Алег Буткевіч паабяцаў малітоўна падтрымаць пратэстантаў зь Лепеля
Падчас перадкаляднай прэс-канфэрэнцыі, якая прайшла 14 сьнежня ў катэдральным касьцёле Езуса Міласэрнага ў Віцебску, журналісты закранулі тэму хрысьціянскай салідарнасьці. Гаворка вялася пра лепельскіх баптыстаў, якія апошнім часам падвяргаюцца моцнаму перасьледу з боку мясцовых уладаў. Біскуп паабяцаў малітоўную падтрымку.
У Лепелі школьніка засыпала пяском. Дзіця загінула
3 ліпеня каля 17:00 у Лепелі недалёка ад пляжу на Лепельскім возеры пяском засыпала 11-гадовага хлопчыка. Школьнік прыехаў на вакацыі да бабулі і разам з двума аднагодкамі пайшоў гуляцца на гарадзкі пляж. Дзеці выкапалі ў пяшчаным абрыве нару і залазілі туды. Раптам грунт абваліўся і цалкам засыпаў аднаго з хлопчыкаў.
Вязень зь Лепеля: За працу на зоне – 60 капеек заробку на месяц
24-гадовы жыхар Лепеля Васіль Грахоўскі днямі вызваліўся з папраўчай калёніі № 9 у Горках, што на Магілёўшчыне. Хоць гэта ўжо ня першая «ходка» для маладога чалавека, апошнія паўтара году сталі для яго асабліва суворым выпрабаваньнем.
Глыбоцкія журналісты адраджаюць народную традыцыю
Філія Беларускай асацыяцыі журналістаў (БАЖ) у Глыбокім арганізавала правядзеньне нацыянальнага фальклёрнага гуляньня. У агра-сядзібе «Родны кут» каля Глыбокага 13 сьнежня прайшоў абрад «Жаніцьба Цярэшкі» – так называецца беларускі традыцыйнае сьвята, які ладзілі ў вёсках на поўначы Беларусі. У госьці да глыбачанаў прыехалі іх калегі зь пяці раёнаў Віцебскай вобласьці.
Кандыдату ў дэпутаты ад «Гавары праўду» Ягору Левачову вынесенае папярэджаньне
Акруговая выбарчая камісія (АВК) Лепельскай выбарчай акругі №23 прыняла рашэньне аб вынясеньні папярэджаньня кандыдату за нібыта парушэньне ім выбарчага кодэксу. Каб зьявілася падстава для такога рашэньня, чальцы камісіі «дапоўнілі» кодэкс, а дакладней яго артыкул 77, уласным тэкстам.
Ягор Левачоў: Патрэбныя законы, якія б прадухілялі масавае беспрацоўе
Ягору Левачову – дваццаць два гады. Пра такіх кажуць: малады ды раньні. Сёлета кампанія «Гавары праўду» прапанавала яму ўдзельнічаць у выбарах, і цяпер актывіст зьяўляецца кандыдатам у дэпутаты Палаты прадстаўнікоў па Лепельскай выбарчай акрузе № 23.