30-га сакавіка наваполацкія міліцыянты прыйшлі па Таццяну Трафімаву на працу. Не заспеўшы актывісткі, накіраваліся да яе дахаты. Калі меркаваць па міліцэйскім імпэце ў пошуках жанчыны, то ўсе матэрыялы адміністрацыйнай справы мусілі быць падрыхтаваныя, каб найхутчэй накіраваць яе ў суд. Аднак Таццяну Трафімаву затрымалі, а да суду справа не дайшла.

 Сябры і аднадумцы не выключаюць, што наваполацкую актывістку адпусцяць на волю ў нядзелю, а суд адбудзецца пазней. Але гэта толькі ў тым выпадку, калі справа супраць яе толькі адміністрацыйныя, і іншых падставаў для затрымання ў міліцыянтаў няма.

Станіслаў Іваноўскі