Прадстаўнікі палітычных партыяў і грамадзкіх арганізацыяў зьвярнуліся ў Віцебскі гарадзкі савет дэпутатаў з прапановай даручыць гарвыканкаму ўнесьці зьмены ў сваё рашэньне ад 10 ліпеня 2009 году № 881 «Аб масавых мерапрыемствах у горадзе Віцебску». Зварот падпісалі мясцовыя кіраўнікі партыі БНФ, Беларускай партыі левых «Справядлівы сьвет», Аб’яднанай грамадзянскай партыі і руху «За свабоду».

Абласное ўпраўленьне ідэалягічнай працы, культуры і па справах моладзі абвясьціла тэндэр на вытворчасьць і трансьляцыю пакету "сацыяльна значных тэлеперадач". У пакет уваходзіць і цыкль "Выбары-2016", прысьвечаны выбарам дэпутатаў Палаты прадстаўнікоў.

Для вяскоўцаў і пра вяскоўцаў пачаў выдавацца бюлетэнь "Стаўроўская газета". Ініцыятарам выданьня і рэдактарам стаў старэйшына вёскі Ігар Грышанаў. Мяркуецца, што бюлетэнь будзе выходзіць 1 раз на месяц.

Дваццаць гадоў таму Вера Сьцепанішчава была сярод тых журналістаў Віцебшчыны, якія трапілі на ўстаноўчы зьезд Беларускай асацыяцыі журналістаў і дзякуючы намаганьням якіх паўстала незалежная беларуская журналістыка. Сёньня з нагоды дваццацігодзьдзя БАЖу яна ласкава пагадзілася адказаць на пытаньні карэспандэнта Віцебскай вясны.