Алена Янушкоўская расказала, што да яе прыехалі два міліцыянты ў цывільным і перадалі ёй позву зьявіцца ў пракуратуру Віцебскага раёну да старшага памочніка пракурора Аляксея Багдасарана 14 траўня ў 9.30. У пракуратуры хочуць атрымаць тлумачэньні «аб абставінах, зьвязаных з праверкай выкананьня заканадаўства».
Пра якую менавіта праверку вядзецца, у позьве не паведамляецца.
Каб удакладніць, актывістка пазваніла ў пракуратуру і даведалася, што пракурорская праверка тычыцца відэаролікаў, разьмешчаных на яе канале "Настоящая Беларусь". На погляд пракуратуры, яны сваім зьместам парушаюць заканадаўства Рэспублікі Беларусь.
Актывістка ад самага пачатку эпідэміі каронавірусу знаходзіцца на самаізаляцыі. Яна паведаміла «Віцебскай Вясьне», што не зьбіраецца парушаць рэжым бясьпекі і ў пракуратуру ня пойдзе. Янушкоўская даслала ў пракуратуру электронны ліст, у якім патлумачыла прычыну няяўкі і прапанавала пракурору самому прыехаць да яе, каб узяць тлумачэньні ў бясьпечных умовах.
Зьміцер Міраш
Камэнтуйце гэтую навіну на нашай старонцы ў facebook!