У відэа ёсць адна нестыкоўка: паводле раскладу працы суда Оршы і Аршанскага раёна, суд па адміністрацыйнай справе мусіў адбыцца над ёй не 11-га, а 18-га студзеня. Цяпер жанчына баіцца, што не здолее сплаціць штраф памерам 30 базавых велічынь і што ў яе «адбяруць дом» (жанчына жыве ў прыватным сектары).
Што папярэдніх відэазапісаў, то там жанчына распавядае пра свайго сабаку, посціць заклікі на распаўсюджваць аб'явы і відэа эзатэрычнага зместу, гаворыць пра тое, што яна "любіць нашу Беларусь", а ўсіх, хто супраць парадкаў у краіне, пасылае "ісці полем" і абяцае "паказаць накірунак".
Відэазварот пра штраф, запісаны ў поўным адчаі, набраў непараўнальна большую колькасць праглядаў. У каментарах людзі спрабуюць супакоіць жанчыну, што без даху над галавой яна не застанецца. Некаторыя выказваюць сумневы, што ў Беларусі не бывае такіх малых пенсій (аўтарка відэа называе лічбы і 340, і 345 рублёў) і што штраф ёй прысудзілі толькі за «лайк пад свечкай».
Валянціна Малышава