27 лютага супрацоўнікі міліцыі затрымалі лідэра незалежнага прафсаюза на адным з участкаў у Наваполацку, дзе праходзіла галасаванне на «рэферэндуме» па змене Канстытуцыі і да суда яна знаходзілася ў ізаляцыі.

Суд Наваполацка пагадзіўся з тым, што Брыцікава здзейсніла не дазволенае ўладамі масавае мерапрыемства, і ў рамках артыкула 24.23 (Парушэнне парадку арганізацыі або правядзення масавых мерапрыемстваў) Кодэкса аб адміністрацыйных правапарушэннях прызначыў ёй пакаранне ў выглядзе адміністрацыйнага арышту на 15 сутак.

 Іван Чайка