«Апэляцыйным вызначэньнем судовай калегіі па крымінальных справах Вярхоўнага Суду Рэспублікі Беларусь прысуд Віцебскага абласнога суду ад 30 лiпеня 2019 году ў крымінальнай справе ў дачыненьні да Віктара Паўлава пакінуты бязь зьмены, а апэляцыйная скарга абвінавачанага – без задавальненьня», – паведамляецца на афіцыйным сайце Вярхоўнага суду.
Прысуд набыў законную сілу.
Нагадаем, што Віктар Паўлаў быў прызнаны вінаватым у забойстве дзьвюх заведама састарэлых асобаў, учыненым з асаблівай жорсткасьцю (пп. 1,2,6,16 ч.2 арт.139 КК Рэспублікі Беларусь). Раней Паўлаў ужо быў суджаны за забойства. Мужчына быў таксама прызнаны вінаватым у крадзяжы (ч.2, арт. 205 КК).
Віктару Паўлаву 50 гадоў. Цяпер памілаваць яго можа толькі прэзыдэнт Лукашэнка.
Беларусь застаецца адзінай краінай у Эўропе, дзе дагэтуль ужываюць сьмяротнае пакараньне.
«Дзяржава, якая лічыць сябе цывілізаванай, не павінна прымяняць сьмяротную кару, не павінна расстрэльваць людзей», – запэўнівае віцебскі праваабаронца Леанід Сьвецік.
Зьміцер Міраш