На дадзены момант за кратамі знаходзіцца сем «вясноўцаў»:

• старшыня арганізацыі Алесь Бяляцкі;
• намеснік старшыні Валянцін Стэфановіч;
• каардынатар кампаніі «Праваабаронцы за свабодныя выбары» Уладзімір Лабковіч;
• каардынатарка валанцёрскай службы Марфа Рабкова;
• кіраўнік Гомельскага аддзялення «Вясны» Леанід Судаленка;
• валанцёрка з Рэчыцы Таццяна Ласіца;
• валанцёр з Мінску Андрэй Чапюк.

Шмат год яны дапамагалі людзям у адстойванні і абароне іх правоў і грамадскіх інтарэсаў, аналізавалі сітуацыю з правамі чалавека ў Беларусі, рыхтавалі і падавалі скаргі і справаздачы ў ААН, бралі ўдзел у яе сесіях, выпрацоўвалі рэкамендацыі да ўладаў Беларусі, падтрымлівалі стасункі з праваабарончымі арганізацыямі ўсяго свету, атрымоўвалі прэстыжныя ўзнагародны за сваю дзейнасць. А цяпер – салідарнасць і падтрымка патрэбная ім самім!

Рэдакцыя «Віцебскай Вясны»