«Яне ў СІЗА прыйшла пастанова аб яе экстрадыцыі ў Беларусь. Пакуль яна ўсё яшчэ знаходзіцца ў пецярбургскім СІЗА-5. Адвакаты будуць абскарджваць гэтае рашэнне, але дата суда пакуль не прызначаная», — паведаміў «Белсату» муж Яны Мікіта Сафронаў.

У Беларусі Яну абвінавачваюць па пяці артыкулах:

Пінчук абвінавачваецца па наступных артыкулах Крымінальнага кодэкса: паклёп (артыкул 188 КК), незаконныя дзеянні з персанальнымі дадзенымі іншай асобы (частка 2 артыкула 203-1 КК), распальванне сацыяльнай варожасці і варожасці (частка 3 артыкула 130 КК), стварэнне і кіраўніцтва экстрэмісцкім фарміраваннем (частка 1 і 2 артыкула 361-1 КК), заклікі да дзеянняў супраць нацыянальнай бяспекі (частка 3 артыкула 361 КК).

Калі суд прызнае жанчыну вінаватай, то яе могуць пакараць на тэрмін да 20 год пазбаўлення волі. 

22 снежня 2021 года расійскі праваабарончы цэнтр "Мемарыял" прызнаў беларускую актывістку палітзняволенай, а пазбаўленне яе свабоды незаконным і палітычна матываваным, накіраваным на ўтрыманне ўлады суб'ектамі ўладных паўнамоцтваў.

Іван Чайка