«Вы жывяце ў краіне, у якой менш за 50% маладых людзей вераць у Бога. Толькі некалькі адсоткаў моладзі размаўляе на беларускай мове. Беларусь знаходзіцца на адным зь першых месцаў у сьвеце па алькагалізацыі моладзі і па самагубствах сярод маладых людзей. У Беларусі штогод абортамі забіваецца 30 000 дзяцей. Вы жывяце ў краіне нацыянальнага пафігізму і нацыянальнай алькагалізацыі», - заявіў ён.
Севярынец заклікаў заснавальнікаў і сябраў МХД як мага больш актыўна ўдзельнічаць у грамадзкім жыцьці: «Ня бойцеся ні Лукашэнку, ні Расею, ня бойцеся таго, што з вас будуць кпіць і вам будуць перашкаджаць. Бойцеся Бога - і больш нікога». На думку палітыка, поле працы для маладых людзей - гэта каля мільёна беларусаў ва ўзросьце ад 14 да 26 гадоў, «тыя, хто цяпер сьпіваюцца і жывуць у зьле».
Пры гэтым Севярынец, абапіраючыся на ўласны досьвед аднаго са стваральнікаў аб’яднаньня «Малады фронт», параіў маладым людзям «увесь час рухацца наперад». «Крэатыўныя акцыі, падарожжы, пілігрымкі - выкарыстана можа быць усё. Галоўнае - ня стойце на месцы. Памятайце, што вы тыя, хто прыйдзе на зьмену нам і падыме над Беларусьсю бел-чырвона-белы сьцяг», - упэўнены зьняволены палітык.