У дзень заснавання палкоўнік Аляксандр Мядзёлка ўручыў падлеткам білеты ўдзельнікаў клуба, зазначыўшы, што «клуб закліканы аб“яднаць падлеткаў у духу непрымання любых адхіленняў ад агульнапрынятых нормаў і правілаў паводзін». Ён запэўніў, што супрацоўнікі браслаўскай міліцыі накіруюць «усе сілы на фармаванне ў хлопцаў і дзяўчат патрыятычнай свядомасці, пачуцця вернасці радзіме, на авалоданне неабходнымі ведамі, уменнямі і навыкамі дзеля выканання грамадзянскіх абавязкаўпа забеспячэнні абароны Радзімы».

Удзельнікаў клуба будуць навучаць вайсковай падрыхтоўцы, тактыцы і карыстанню зброяй. А таксама для іх будуць праводзіцца дадатковыя заняткі па гісторыі Беларусі – з ухілам на аналіз падзей ХХ-ХХІ стагоддзяў.

12 першых удзельнікаў клубу далі клятву, паабяцаўшы быць узорам у вучобе, паводзіна, працягваць баявыя і працоўныя традыцыі рэгіёна, заўсёды аказваць садзеянне ораганам унутраных справаў.

Міхась Хмара