Агульная інфармацыя
За мінулы перыяд часу ў вытворчасці следчых Віцебшчыны знаходзілася больш за 12 тысяч крымінальных спраў, з якіх вытворчасць папярэдняга расследавання скончана па больш як 3300 крымінальных справах, у тым ліку больш за 2800 крымінальных спраў перададзены пракурору для накіравання ў суд.
Падчас вядзення папярэдняга следства па крымінальных справах следчымі падраздзяленняў за 8 месяцаў гэтага года рэальна кампенсаваны ўрон у суме амаль 3,5 мільёна рублёў.
Па стане на 1 верасня доля кампенсаванага ўрону склала 65,5 працэнта ад сумы ўстаноўленага ўрону дзеяннямі абвінавачаных. Акрамя таго, падчас папярэдняга расследавання па справах, следчымі накладзены арышт на маёмасць абвінавачаных на суму эквівалентную амаль 7 мільёна рублёў.
Сітуацыя са злачыннасцью з выкарыстаннем ІТ-тэхналогій
Ведамствам прызналася ў адсутнасці эфектыўных метадаў барацьбы з махлярствам з выкарыстаннем інфармацыйных тэхналогій.
Паводле статыстычных дадзеных у пачатку года назіралася невялікае зніжэнне колькасці кіберзлачынстваў, але з траўня зноў зафіксаваны рэзкі рост. Толькі ў ліпені больш за сотню грамадзян расталіся са сваімі зберажэннямі.
Большасць з іх, спрабуючы прадаць тавары па аб'яве, самі перадалі зламыснікам свае персанальныя дадзеныя, спадзеючыся на атрыманне сродкаў ад уяўнага пакупніка. Разам з тым, працягваюцца фіксавацца выпадкі, калі ашуканцы тэлефануюць у мэсэнджэры, прадстаўляюцца супрацоўнікамі банка, паведамляюць, што на грамадзяніна аформлены крэдыт, і прапануюць рознымі спосабамі адмяніць яго.
Нярэдкія выпадкі, калі ў размову ўключаюцца асобы, якія прадстаўляюцца супрацоўнікамі праваахоўных органаў, і прапануюць выкрыць нядобрасумленнага супрацоўніка банка. Тады для пераканаўчасці нават могуць выслаць фота службовага пасведчання.
Нядаўна ў абласным цэнтры 50-гадовы працоўны паверыў, што тэлефануюць яму з банка і міліцыі, у выніку аформіў на сябе амаль 10 тысяч рублёў.
У СК прызнаюць, што спыніць рост кіберзлачыннасці можна толькі праз шырокую кампанію па растлумачэнні жыхарам Віцебскай вобласці спосабаў, з дапамогай якіх ашуканцы атрымліваюць доступ да іх банкаўскіх дадзеных.
Алег Кунін