З агульнай колькасці прапанаваных да продажу капітальных забудоваў значную частку складаюць, аб'екты сацыяльнай сферы ў сельскай мясцовасці. У спісах на продаж значыцца больш за 100 будынкаў школ і дзіцячых садкоў.

Астатнія 195 дзейных сярэдніх і іншых навучальных установаў, якія размешчаныя ў вёсцы ў 21 раёне Віцебскай вобласці, хутка могуць апынуцца ў ліку закрытых і стануць абʼектамі таргоў за 1 базавую велічыню, таму што дэмаграфічная сітуацыя ў вобласці блізкая да катастрафічнай.

Разам з былымі аб’ектамі адукацыйнай інфраструктуры пойдуць «з малатка» таксама 30 сельскіх дамоў культуры і бібліятэк, якімі карысталіся раней вясковыя жыхары вобласці.

Камітэтам «Віцебскаблмаёмасць» таксама прапануюцца розныя адміністрацыйныя і вытворчыя будынкі: склады, гаражы, магазіны і шэраг іншых абʼектаў. Аднак на гэтыя абʼекты попыт на рынку нерухомасці невысокі.

Іван Чайка