Сумныя вынікі ваеннага, 2023 года, падвялі журналісты Пскоўскай вобласці
Тэлеграм-канал «Пскоўская губерня» апублікаваў вынікі другога года вайны ва Украіне. Абагульненая інфармацыя ў выглядзе голых лічбаў паказвае на тое, што зацяжная вайна ламае лёсы не толькі тых, хто непасрэдна знаходзяцца на палях бітваў, але і тых, хто застаўся жыць у тыле.
У Віцебскай вобласці за пяць дзён датэрміновага галасавання прагаласавала больш за трэць мільёна выбаршчыкаў
Згодна з афіцыйнымі звесткамі ўладаў, за 20-24 лютага на 687 выбарчых участках у Віцебскай вобласці прагаласавала 377,77 тыс. чалавек або - 41,71% ад 857,97 тыс. выбаршчыкаў, якія пражываюць у рэгіёне. За пяць дзён датэрміновага галасавання сябры ўчастковых выбарчых камісій выдалі 966 тыс. бюлетэняў для галасавання.
Жонку палітвязня Арцёма Ляшнеўскага асудзілі за атрыманне дапамогі ад дабрачыннай сеткі INeedHelp
1 лютага суд Оршы і Аршанскага раёна разбіраў справу пра парушэнне заканадаўства аб замежнай дапамозе. Жонку палітвязня асудзілі да штрафа памерам 1000 рублёў за атрыманне дапамогі на суму 1157 рублёў 11 капеек. Паводле высноваў суду, жанчына «стварыла пагрозу нанясення шкоды дзяржаўным і грамадскім інтарэсам, выражаную ў публічнай заведама неправамернай легітымізацыі дзеянняў асоб, якія здзейснілі правапарушэнні і злачынствы, у тым ліку шляхам надання ім статусу палітвязняў, незаконным нівеляванні наступстваў прыцягнення да адказнасці» .
Асцярожна, жыхароў Віцебшчыны падманваюць «супрацоўнікі КДБ». Новая схема, каб выманіць грошы
Палітычную сітуацыю ў краіне, калі за «не тыя» падпіскі ў сацыяльных сетках можна трапіць на 15 сутак, і дзе кожны чалавек адчувае сябе «патэнцыйна вінаватым» за мінімальныя праявы вальнадумства, пачалі выкарыстоўваць махляры. Ва ўмовах, калі людзі адчуваюць сябе безабароннымі перад сілавікамі, менавіта ў іх пераўвасабляюцца аматары лёгкай нажывы. Схема працуе добра: ахвярамі махляроў становяцца тыя, хто гатовы безаглядна падпарадкоўвацца і баіцца пакарання нават у тым выпадку, калі нічога кепскага не зрабіў.
Другі раз за "экстрэмізм" у сацсетках улады арыштавалі 63-гадовую жыхарку Паставаў
Суддзя суда Пастаўскага раёна Наталля Максімовіч 9 лютага за распаўсюджванне "экстрэмізму" ў сацыяльных сетках арыштавала на 10 сутак прыбіральшчыцу мясцовага камбіната бытавога абслугоўвання Алену Борсук. А 16 лютага суддзя Віцебскага абласнога суда Святлана Іванова разгледзела яе апеляцыю і пакінула без змены рашэнне суда першай інстанцыі, а скаргу «правапарушальніцы» без задавальнення. Раней, 16 студзеня, Барсук была пакарана арыштам па арт. 19.11 КаАП.
Некаторыя ўчасткі на Віцебшчыне справаздачацца пра больш за 30% прагаласаваўшых датэрмінова
Як піша сайт “Міёрскія навіны”, на выбарчым участку № 10 у Чэрасах Мёрскага раёна вяскоўцы абазначылі сваю грамадзянскую пазіцыю. Участак знаходзіцца ў мясцовым Доме культуры. Як хваляцца ўлады, з пачатку датэрміновага галасавання да 14.00 23 лютага 33% выбарцаў - 159 вяскоўцаў - пазначылі сваю грамадзянскую пазіцыю. Паводле чальцоў выбарчай камісіі, так званае датэрміновае галасаванне праходзіць спакойна.
Рэйсавы аўтобус не даходзіць да вяскоўцаў на Пастаўшчыны з-за аварыйнага моста
Жыхары вёскі Мягуны паведамляюць, што да іх у вёску ўжо больш за год не заходзіць рэйсавы аўтобус, бо ў суседняй вёсцы Даўгуны, праз якую ездзіць транспарт, мост знаходзіцца ў аварыйным стане. Мягуны – немаленькая вёска, у ёй зарэгістравана 119 чалавек.
Суддзі, якія выносілі палітычна матываваныя прысуды, пайшлі на падвышэнне
Паводле Указа Аляксандра Лукашэнкі ад 15 лютага, трое шэраговых суддзяў, чые прозвішчы часта паўтараліся ў раскладах судовых пасяджэнняў з разборамі адміністрацыйных справаў па «народных» артыкулах, цяпер будуць старшынямі раённых судоў. Гэта Міхаіл Юрчанка з Віцебска, Віктар Баліка з Полацка і Сняжана Калінічэнка з Наваполацка.
За несанкцыянаваны пікет у сацсетцы ўлады арыштавалі жыхара Наваполацка
Суддзя суда Наваполацка Зінаіда Балаболава 15 лютага за правядзенне не дазволенага ўладамі масавага мерапрыемства ў сацыяльнай сетцы арыштавала на 7 сутак Міксіма Вуська.
У Паставах прыйшоў галасаваць датэрмінова кіраўнік раёна разам з малалетнім сынам
Сяргей Чэпік прыйшоў на ўчастак №2, які размяшчаецца ў першай школе горада. Ён завітаў туды разам з малалетнім сынам і сказаў, што робіць гэта рэгулярна, таму што прывіваць электаральную культуру трэба на асабістым прыкладзе. Ён заўважыў, што ўражанняў для яго сына праз гэта будзе на некалькі дзён. Мясцовая раёнка нават зрабіла пра гэта відэасюжэт.